اسرائیل کیجانب سے مردہ قرار دیا گیا کمانڈر حماس کی قید میں

ویب ڈیسک  ہفتہ 25 مئ 2024
سوشل میڈیا پر جاری ویڈیو میں اسرائیلی کمانڈر کو گرفتار ہوتے دیکھا جا سکتا ہے:فوٹو:سوشل میڈیا

سوشل میڈیا پر جاری ویڈیو میں اسرائیلی کمانڈر کو گرفتار ہوتے دیکھا جا سکتا ہے:فوٹو:سوشل میڈیا

 غزہ: اسرائیل کی جانب سے مردہ قرار دئیے گئے کمانڈر عصاف ہمیمی کو حماس نے قیدی بنا لیا۔

غیر ملکی میڈیا رپورٹس کے مطابق حماس کی عسکری شاخ عزالدین القسام نے اسرائیلی کمانڈر عصاف ہمیمی کو قیدی بنائے جانے کا اعلان کیا۔

القسام بریگیڈ کی جانب سے سوشل میڈیا  پر شئیر کی جانے والی پوسٹ میں اسرائیلی کمانڈر کو زخمی حالت میں گرفتار کرتے دیکھا جا سکتا ہے۔ اسرائیلی کمانڈر کے بارے میں مزید تفصیلات جاری نہیں کی گئیں۔

پوسٹ میں اسرائیلی کمانڈر کی ویڈیو کے ساتھ  یہ بھی کہا گیا کہ اسرائیلی حکومت اپنے کمانڈر کی ہلاکت کے بارے میں جھوٹ بول رہی ہے۔ گزشتہ سال اکتوبر سے غزہ پر اسرائیل کے حملوں میں اب تک خواتین اور بچوں سمیت 36 ہزار سے زائد فلسطینی شہید ہوچکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔