کتا بننے کے شوقین جاپانی شہری پر اب لومڑی بننے کا بھوت سوار

ویب ڈیسک  پير 27 مئ 2024
[فائل-فوٹو]

[فائل-فوٹو]

 ٹوکیو: ایک جاپانی شہری جس نے اپنے آپ کو کتے کے بھیس میں بدلنے کے لیے 14,000 ڈالرز خرچ کردیے، اب وہ لومڑی یا پانڈا میں تبدیل ہونے کیلئے پرتول رہا ہے۔

میڈیا رپورٹس کے مطابق ٹوکو نامی جاپانی شہری کا یوٹیوب چینل ہے جس کا نام ہی باقاعدہ ’آئی وانٹ ٹو بی این اینیمل ہے‘۔ اس سے قبل ٹوکو نے کہا تھا کہ وہ کتے کا روپ دھار کر باہر کی دنیا کا مشاہدہ کرنا چاہتا ہے اور اس طرح اپنے بچپن کا خواب پورا کرنا چاہتا ہے۔

تاہم حال ہی میں شہری نے ایک جاپانی خبر رساں ادارے سے بات کرتے ہوئے کہا کہ اب وہ ایک نئے جانور کی طرح زندگی گزارنے کا سوچ رہا ہے۔ شہری نے کہا میں پانڈا، ریچھ، لومڑی یا بلی بننے کے قابل ہو سکتا ہوں لیکن بلی بننا مشکل ہے کیونکہ وہ بہت چھوٹی ہوتی ہیں۔

ٹوکو نے کہا کہ میں لومڑی یا پانڈا بننا پسند کروں گا۔ واضح رہے کہ ٹوکو نے پہلے کتے میں تبدیل ہونے کا انتخاب کیا تھا۔ ٹوکو اپنے چینل پر ایسی ویڈیوز پوسٹ کرتا رہا ہے جس میں اسے کتے کی طرح چلتے، کھانا کھاتے اور کتے کے طرح نئے کرتب سیکھتے ہوئے دیکھا جاسکتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔