الیکشن ٹریبونل نے وزیراعلیٰ پنجاب مریم نواز کے حلقے کے فارم 45 طلب کرلیا

ویب ڈیسک  جمعـء 21 جون 2024
الیکشن ٹریبیونل نے مریم نواز سے بیان حلفی بھی مانگ لیے ہیں—فوٹو: فائل

الیکشن ٹریبیونل نے مریم نواز سے بیان حلفی بھی مانگ لیے ہیں—فوٹو: فائل

 لاہور: لاہور ہائی کورٹ کے جسٹس پر مشتمل الیکشن ٹریبونل نے ایک اور بڑا حکم جاری کرتے ہوئے وزیر اعلی پنجاب مریم نواز کے حلقے کے فارم 45 بھی طلب کرلیے۔

جسٹس انوار حسین نے مہر شرافت علی  کی درخواست پر سماعت کی اور مریم نواز کے حلقے اوریجنل فارم 45، فارم 46 اور فارم 47 اور بیان حلفی مانگ لیے ہیں۔

عدالت نے الیکشن کمیشن، مریم نواز سمیت دیگر امیدواروں کو آئندہ سماعت پر اوریجنل فارم 45 اور بیان حلفی جمع کروانے کا حکم دے دیا۔

خیال رہے کہ مہر شرافت علی نے وزیراعلیٰ پنجاب اور پاکستان مسلم لیگ(ن) کی رہنما مریم نواز کی کامیابی کو چیلنچ کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔