- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
اولین ٹیسٹ چیمپئن شپ: انگلینڈ میزبانی کا مضبوط امیدوار
لندن: اولین ٹیسٹ چیمپئن شپ کی میزبانی کیلیے انگلینڈ مضبوط امیدوار بن گیا۔
2021 کا ایونٹ بھارت میں ہونیکا امکان ہے، طاقتور ای سی بی، بی سی سی آئی اور آسٹریلیا نے اپنے مفادات کیلیے ملی بھگت کرلی، آئندہ دو روز میں تینوں بورڈز کے نمائندے آکلینڈ میں آئی سی سی کے چیف ایگزیکٹیو ڈیو رچرڈسن سے ملاقات کریں گے، انیل کمبلے کی زیرسربراہی کرکٹ کمیٹی پلیئنگ کنڈیشنز طے کریگی۔ تفصیلات کے مطابق انٹرنیشنل کرکٹ کونسل نے ون ڈے چیمپئنز ٹرافی کی جگہ ٹیسٹ چیمپئن شپ شروع کرنے کا فیصلہ کیا ہے جس کا پہلا ایڈیشن 2017 میں منعقد ہوگا، ہر چار برس بعد کھیلے جانے والے اس ایونٹ میں رینکنگ میں ٹاپ پر موجود چار ٹیموں کے درمیان دو سیمی فائنلز اور پھر فائنل کھیلا جائیگا۔
یہ ایونٹ دراصل رواں برس انگلینڈ میں ہونا تھا مگر نشریاتی معاہدے کے تحت رواں برس ون ڈے چیمپئنز ٹرافی کا آخری ایڈیشن منعقد کرنا پڑا، 2015 میں نئی نشریاتی ڈیل میں ٹیسٹ چیمپئن شپ کے حقوق فروخت کیے جائینگے۔ انٹرنیشنل کرکٹ کونسل میں شامل تین بڑے بورڈز انگلینڈ، بھارت اور آسٹریلیا نے بالا ہی بالا اپنے مفادات کی خاطر معاملات طے کرنا شروع کردیے ہیں، اس سلسلے میں دو روز بعد تینوں ممالک کے کرکٹ حکام کی آئی سی سی کے چیف ایگزیکٹیو ڈیو رچرڈسن سے ملاقات ہوگی جس میں معاملات کو حتمی شکل دینے کی کوشش کی جائے گی۔
مجوزہ پروگرام کے مطابق پہلے ایڈیشن کی میزبانی انگلینڈ کرے گا جس کا فائنل لارڈز میں کھیلا جائے گا، دوسرا ایڈیشن2021 میں بھارت میں ہوگا، وہ پہلے اس ایونٹ کے خلاف تھا مگر تین باتوں کی وجہ سے راضی ہوگیا، اسے لگتا ہے کہ وہ یہ ایونٹ جیت سکتا ہے، دوسرا ٹیسٹ فارمیٹ میں چیمپئن بننے سے اس کی قدرومنزلت بڑھ جائیگی اور تیسری اور اہم ترین چیز اسے دوسرے ایڈیشن کی میزبانی ملنا ہے۔
ابھی تک پہلے ایڈیشن کی ٹیموں کیلیے کٹ آف ڈیٹ طے نہیں ہوئی تاہم امکان یہی ہے کہ ٹیسٹ رینکنگ میں جو چار ٹیمیں مارچ 2016 میں ٹاپ پر ہونگی، ان کے درمیان دو سیمی فائنلز اور پھر فائنل مقابلہ ہوگا۔ آئی سی سی کرکٹ کمیٹی کے مئی میں لارڈز میں ہونیوالے اجلاس میں اس ایونٹ کی پلیئنگ کنڈیشنز پر غور شروع کیا جائیگا، اسکے چیئرمین انیل کمبلے جبکہ ممبران میں انگلینڈ کے سابق کپتان اسٹروس بھی شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔