- امریکا میں چاقو بردار ملزم کے حملے میں 4 افراد ہلاک اور 5 زخمی
- آئی پی ایل؛ ’’پریتی زنٹا نے مجھے اپنے ہاتھوں سے پراٹھے بناکر کھلائے‘‘
- اسلام آباد میں ویزا آفس آنے والی خاتون کے ساتھ زیادتی
- اڈیالہ جیل میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
حکومت پٹرول پر 23.78 ڈیزل پر 30روپے ٹیکس لیتی ہے، سیکریٹری پٹرولیم
اسلام آباد: سینیٹ کی قائمہ کمیٹی برائے پٹرولیم کو سیکریٹری پٹرولیم وقار مسعود نے بتایاہے کہ حکومت پٹرول پر23.78 روپے اورڈیزل پر 30روپے ٹیکس وصول کررہی ہے۔
پٹرولیم مصنوعات پرسبسڈی کافیصلہ پارلیمنٹ کرے قائمہ کمیٹی برائے پٹرولیم کا اجلاس چیئرمین سینیٹر محمد یوسف کی زیرصدارت ہوا، کمیٹی نے پٹرولیم مصنوعات کی قیمتوں میںآئے روز اضافے پرتشویش کااظہارکرتے ہوئے قراردیاہے کہ حکومت پٹرولیم مصنوعات کی قیمتوں میں اضافے کو روک سکتی تھی مگر نہیں روکا گیا اور تمام بوجھ عوام پر ڈالا گیا، پٹرولیم مصنوعات کی قیمتوں میں اضافے سے ان پرحا صل ہونیوالے ٹیکس میں بھی اضافہ ہوجاتا ہے۔
کمیٹی نے وزارت خزانہ سے پچھلے تین ماہ کے دوران پٹرولیم مصنوعات پر وصول کیے گئے کسٹم‘ لیوی اورجی ایس ٹی ٹیکس کی وصولیوں کی مکمل رپورٹ طلب کرلی وزارت پٹرولیم کے حکام نے کمیٹی کو بریفنگ دیتے ہوئے بتایا کہ پٹرول کی درآمدی قیمت 68.12 روپے ہے جس پرآئی ایف ای ایم کی مد میں 3.65 روپے اور ایم سی مارجن 1.78 روپے رٹیلرکمیشن2.37 روپے‘ پٹرولیم لیوی 10 روپے اور جی ایس ٹی 13.78 روپے وصول کیا جاتا ہے ڈیزل پردرآمدی قیمت 79.81 روپے‘ کسٹم ڈیوٹی 6.04‘ آئی ایف ای ایم 1.68 روپے‘ او ایم سی ایس مارجن 1.76 روپے‘ ریٹیلرکمیشن 2.20 روپے‘ پٹرولیم لیوی 8 روپے اور جی ایس ٹی 15.93 روپے وصول کیے جاتے ہیں اس طرح پٹرول کی قیمت 99.90 روپے جبکہ ڈیزل کی قیمت 115.52 روپے ہے۔ پٹرولیم مصنوعات پر قیمت کا 24 فیصد ٹیکس وصول کیا جاتا ہے ۔
چیئرمین اوگرا نے بتایا کہ اوگرا سے پہلے وزارت پٹرولیم قیمتوں کا تعین کرتی تھی اب بھی اوگرا وزارت پٹرولیم کے فارمولے کے تحت قیمتوں کا تعین کرتی ہے اور وزارت کو قیمتوں میں اضافے سے قبل از وقت آگاہ کردیتی ہے۔ سیکریٹری وزارت پٹرولیم نے بتایا کہ ڈیزل 50 فیصد جبکہ خام تیل 85 فیصد درآمد کیاجاتا ہے۔ سیکریٹری خزانہ نے بتایا کہ پٹرولیم مصنوعات سے 10 ارب روپے ماہانہ ٹیکس وصول کرنے کا ہدف ہے مگر دو ماہ میں آٹھ ارب روپے جمع ہوئے ہیں۔ سیکریٹری پٹرولیم نے بتایا کہ ہم ٹیکس میں کمی نہیں کرسکتے پی ایس اوصرف نیٹوکوتیل فراہم کرتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔