- سونے کی عالمی اور مقامی مارکیٹوں میں قیمت مسلسل دوسرے روز کم
- کراچی سے پشاور جانے والی عوام ایکسپریس حادثے کا شکار
- بھارتی فوج کی گاڑی نے مسافر بس اور کار کو کچل دیا؛ 2 ہلاک اور 15 زخمی
- کراچی میں 7سالہ معصوم بچی سے جنسی زیادتی
- نیب ترامیم کیس؛ عمران خان کو بذریعہ ویڈیو لنک سپریم کورٹ میں پیشی کی اجازت
- کوئٹہ؛ لوڈشیڈنگ کیخلاف بلوچستان اسمبلی کے باہر احتجاج 6 روز سے جاری
- حکومت کو نان فائلرز کی فون سمز بلاک کرنے سے روکنے کا حکم
- آئی ایم ایف کا پاکستان کے ٹریک اینڈ ٹریس سسٹم میں خرابیوں پر اظہارتشویش
- کراچی یونیورسٹی میں فلسطین سے اظہار یکجہتی؛ وائس چانسلر نے مہم کا آغاز کردیا
- کراچی میں شدید گرمی کے دوران 12، 12 گھنٹے لوڈشیڈنگ، شہری بلبلا اٹھے
- کم عمر لڑکی کی شادی کرانے پر نکاح خواں کیخلاف کارروائی کا حکم
- جنوبی وزیرستان؛ گھر میں دھماکے سے خواتین سمیت 5 افراد جاں بحق
- آزاد کشمیر میں جوائنٹ ایکشن کمیٹی کا احتجاج ختم کرنے کا اعلان
- جوسز پر فیڈرل ایکسائز ٹیکس؛ خسارے کا سودا
- وزیراعظم کا اسٹریٹیجک اداروں کے سوا تمام ریاستی ملکیتی اداروں کی نجکاری کا اعلان
- طبی آلات کی چارجنگ، خطرات اور احتیاطی تدابیر
- 16 سال سے بغیر کچھ کھائے پیے زندہ رہنے والی خاتون
- واٹس ایپ صارفین کو نئی جعلسازی سے خبردار رہنے کی ہدایت
- ممبئی میں مٹی کا طوفان، 100 فٹ لمبا بل بورڈ گرنے سے 14 افراد ہلاک
- غزہ میں فلسطینیوں کی نسل کشی نہیں ہو رہی ، امریکا
پاکستانی فلموں میں کام کی پیشکش ضرور قبول کرونگی، دیویا دتہ
لاہور: بالی ووڈ کی معروف اداکارہ دیویا دتہ نے کہا کہ پاکستان میں گزرے لمحات توکبھی نہیں بھلاسکتی لیکن جب بھی یہاں کام یا سیرکرنے کا موقع ملے تومیں اس کوکبھی مس نہیں کروں گی۔
واہگہ بارڈرپر پہنچتے ہی جس طرح سے زندہ دل لاہوریوں نے استقبال کیا اور پھرمیری پرفارمنس پر جو رسپانس ملا اس کا اندازہ نہ تھا۔ ایسے مقامات پر تو بار بار آنے کودل چاہتا ہے۔ بالی ووڈ میں کریکٹر ایکٹر کا کام جاری ہے اور آنے والے دنوں میں بہت سے اچھے کردار کرتی بڑی اسکرین پر دکھائی دوں گی۔ پاکستانی فلموں میں کام کی کوئی بھی اچھی پیشکش ہوئی توضرورکام کروں گی۔ ان خیالات کا اظہاردیویا دتہ نے گزشتہ روز ’’ایکسپریس‘‘ سے بات چیت کرتے ہوئے کیا۔
انھوں نے کہا کہ میں اسٹیج ڈرامہ کرنے کے لیے لاہور آئی تھی اوراس کواب کافی وقت گزر گیا ہے لیکن آج بھی ہم لوگ جب گھر پراکھٹے ہوتے ہیں تو پھر لاہورکی خوبصورتی، کلچر، کھانوں کاتذکرہ چھڑجاتا ہے۔ ڈرامے میں میری پرفارمنس کا توجورسپانس ملا وہ مجھے کبھی نہیں بھولے گا لیکن وہاں پرملنے والے عام لوگوں نے جس طرح سے میزبانی کی، اس کے بارے میں صرف سن رکھا تھا لیکن یہ سب کچھ دیکھ کر میں حیران رہ گئی۔ انھوں نے بتایاکہ حال ہی میں ان کی ایک فلم ’’بدلہ پور‘‘ ریلیز ہوئی ہے۔
جس میں ایک جاندار کردار نبھایا تھا۔ اس فلم کو دنیا کے بیشترممالک کی طرح پاکستان میں بھی نمائش کے لیے پیش کیاگیا تھا اور اس کے بعد مجھے پسندیدگی کے حوالے سے کافی لوگوں نے فون پراپنی رائے کا اظہاربھی کیا۔
اس لیے میں پاکستان میں اپنے چاہنے والوں کو یہ بتانا چاہتی ہوں کہ آنے والے چند ماہ میں مزید اچھے کرداروں کے ساتھ بڑی اسکرین پر دکھائی دوں گی۔ جہاں تک بات پاکستان اور یہاں پر بننے والی فلموں کی ہے تو مجھے ہمیشہ چیلنجنگ کردار کرنا پسند ہیں، مجھے اگر کوئی اچھا کردار آفر کیا جائے تو میری اولین ترجیح ہو گی کہ میں اس فلم کو سائن کروں۔ میں ایک پروفیشنل اداکارہ ہوں اور کردار کی ڈیمانڈ کو سمجھتے ہوئے کام کرتی ہوں۔
یہی وجہ ہے کہ میں نے اپنے فنی سفر کے دوران بہت سے انوکھے کردار نبھائے ہیں۔ میری ہمیشہ کوشش رہتی ہے کہ میں ان کرداروں میں حقیقت کے رنگ بھروں۔ یہ آسان بھی نہیں ہے لیکن جو بھی کام محنت اور لگن سے کیا جائے، اس کے مثبت نتائج ہی سامنے آتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔