عامر خان فلم ’’بجرنگی بھائی جان‘‘ دیکھ کر بے اختیار رو پڑے

’’بجرنگی بھائی جان‘‘ ریلیز کے پہلے ہی روز صرف بھارت میں 27 کروڑ 25 لاکھ روپے کا بزنس کرچکی ہے۔

---

بالی ووڈ سپر اسٹار عامر خان نے کہا ہے کہ بجرنگی بھائی جان میں سلمان خان نے اپنی زندگی کی سب سے بہترین اداکاری کی جسے دیکھ کر ان کی آنکھوں میں آنسو بھرآئے۔

عامر خان نے عید پر ریلیز ہونے والی سلمان خان کی نئی فلم بجرنگی بھائی جان سے بے حد متاثر ہوکر کئی ٹوئٹس کیے جن میں ان کا کہنا تھا کہ اب تک یہ سلمان کی سب سے بہترین فلم ہے جس میں انہوں نے سب سے عمدہ اداکاری کی.

https://twitter.com/aamir_khan/status/621531949727780864

عامر خان نے کہا کہ فلم کی کہانی حیرت انگیز، مکالمات دل گرمادینے والے اور تحریر بہت عمدہ ہے، بالی ووڈ سپر اسٹار نے اپنی ٹوئٹ میں کہا کہ عوام یہ فلم ضرور دیکھیں۔

https://twitter.com/aamir_khan/status/622492795450753025

میڈیا رپورٹس کے مطابق سلمان خان نے ساتھی اداکار عامر خان کو 18 جولائی کو اس فلم کی خاص اسکریننگ میں مدعو کیا تھا جب کہ ان کے ہمراہ فلم کے ہیرو سلمان خان کے ساتھ سنگیتا بجلانی، سوناکشی نے بھی شرکت کی۔

https://twitter.com/aamir_khan/status/622492971070439425

سلمان خان کی فلم ''بجرنگی بھائی جان'' ریلیز کے پہلے ہی روز صرف بھارت میں 27 کروڑ 25 لاکھ روپے کا بزنس کرچکی ہے جب کہ فلم نے مشرق وسطیٰ سے 2 کروڑ روپے، آسٹریلیا سے ایک لاکھ 25 ہزار ڈالر اور نیوزی لینڈ سے 55 ہزار ڈالر کا بزنس کرلیا ہے۔