بھارت سے نئی فلموں کی پیشکش ہو رہی ہے، ماورا حسین

 لاہور:  اداکارہ ماورا حسین نے کہاہے کہ متعدد بھارتی فلمسازوں کی جانب سے نئی فلموں کی پیشکش ہو رہی ہے ۔

ایک انٹرویو کے دوران ماورا حسین نے کہا کہ بھارت میں کام کرنا اور وہاں سے کامیابی سمیٹنا کسی پاکستانی کے لیے اعزاز کی بات ہے کیونکہ بالی وڈ انڈسٹری میں درجنوں نہیں بلکہ سیکڑوں اداکارائیں موجود ہیں اور ان میں سے ٹاپ ٹین اداکاروں کے مقابلے کے لیے کسی پاکستانی اداکارہ کی کامیابی میرے نزدیک قابل فخر ہے ۔

ایک سوال کے جواب میں ماورا حسین نے کہاکہ بھارت میں فنکار کو کسی قسم کے کوئی پریشر کا سامنا نہیں کرنا پڑتا ، وہاں میں نے فلم کے دوران جتنا بھی کام کیا مجھے محبت اور دوستی کے ہی پیغامات ملے ہیں ۔