گلوکارہ فریحہ پرویز نے شوہر سے خلع کے لیے دعویٰ دائر کردیا

سول جج نویداخترنےفریحہ پرویزکےشوہرنعمان جاوید کو 12 جون کوطلب کرلیا۔ فوٹو: فائل

---

گلوکارہ فریحہ پرویز نے اپنے شوہر سے خلع کے لیے عدالت میں درخواست دائر کر دی ہے۔

ایکسپریس نیوزکے مطابق 3 ماہ قبل رشتہ ازدواج میں بندھنے والی نامور گلوکارہ فریحہ پرویز نے اپنے شوہر سے بہتر تعلقات نہ ہونے پرعلیحدگی کے لیے فیملی کورٹ میں دعوی دائر کردیا ہے۔ گلوکارہ نے دعوی سول جج نوید اختر کی عدالت میں دائر کیا جس میں موقف اختیار کیا گیا کہ نعمان جاوید کے ساتھ تعلقات بہتر نہیں، وہ حقوق پورے نہیں کررہے جس کے باعث بقیہ زندگی ان کے ساتھ نہیں گزار سکتی۔ سول جج نوید اختر نے فریحہ پرویزکے شوہر نعمان جاوید کو نوٹس جاری کرتے ہوئے 12 جون کو طلب کر لیا۔

واضح رہے کہ فریحہ پرویزاورنعمان جاوید کے درمیان 3 ماہ قبل ہی شادی ہوئی تھی جب کہ گلوکارہ کے شوہرنعمان جاوید نے کچھ عرصے قبل خودکشی کی کوشش کی تھی۔ ان کا کہنا تھا کہ وہ اپنی ازدواجی حیثیت برقرار رکھنے سے متعلق کافی فکرمند ہیں۔