سیکیورٹی خدشات پر ڈپٹی اسپیکرشہلا رضا کو بم پروف گاڑی مہیا کردی گئی

ہلا رضا نے وزیر اعلیٰ سندھ کو اپنی جان کو خطرے سے متعلق آگاہ کیا تھا، ذرائع

اسٹاف رپورٹر بدھ 25 مئ 2016

ہلا رضا نے وزیر اعلیٰ سندھ کو اپنی جان کو خطرے سے متعلق آگاہ کیا تھا، ذرائع:فوٹو:فائل

کراچی: حکومت سندھ نے سندھ اسمبلی کی ڈپٹی اسپیکر شہلا رضا کی جان کو خطرے کے پیش نظر انھیں بم پروف گاڑی مہیا کردی ہے۔

ذرائع کے مطابق وزیر اعلیٰ سندھ سید قائم علی شاہ کی منظوری کے بعد شہلا رضا کو بم پروف گاڑی مہیا کردی گئی ہے جس کی مالیت 51 لاکھ روپے بتائی جاتی ہے۔ ذرائع کا کہنا ہے کہ شہلا رضا نے وزیر اعلیٰ سندھ کو اپنی جان کو خطرے سے متعلق آگاہ کیا تھا جس کے بعد وزیر اعلیٰ سندھ محکمہ خزانہ کو ان کے لیے بم پروف گاڑی کے لیے رقم جاری کرنے کی ہدایت کی تھی۔