سندھ میں رینجرزکے قیام اور خصوصی اختیارات کا معاملہ ایک بار پھر الجھ گیا

سندھ حکومت مدت ختم ہونے کے باوجود رینجرز کے قیام اور خصوصی اختیارات میں توسیع کا نوٹی فکیشن جاری نہ کرسکی۔ فوٹو؛ فائل

---

ISLAMABAD: سندھ میں رینجرز کے خصوصی اختیارات اور صوبے میں قیام کی مدت 19 جولائی کو ختم ہونے کے بعد بھی صوبائی حکومت نے اختیارات میں توسیع کا نوٹیفکیشن جاری نہیں کیا جب اس حوالے سے وفاقی وزیر داخلہ چوہدری نثار نے بھی تشویش کا اظہار کیا تھا۔

اس خبر کو بھی پڑھیں: سندھ میں رینجرز کے اختیارات کی توسیع میں تاخیر پر چوہدری نثار کی تشویش

سندھ میں رینجرزاختیارات کا معاملہ ایک مرتبہ پھر الجھ گیا ہے، انسداد دہشت گردی ایکٹ کے تحت سندھ میں رینجرز کے خصوصی اختیارات اور صوبے میں قیام کی مدت 19 جولائی کو ختم ہوگئی لیکن صوبائی حکومت اس معاملے پر اب تک کوئی فیصلہ نہیں کرسکی ہے۔

اس خبر کو بھی پڑھیں: رینجرزاختیارات کے معاملے پر ڈی رینجرز کا وفاقی وزیرداخلہ سے رابطہ

سندھ حکومت نے رینجرز کو 77 دن کے لیے خصوصی اختیارات دیئے تھے اور اس میں توسیع کے لیے محکمہ داخلہ کی جانب سے وزیراعلیٰ سندھ کو سمری ارسال کی جاچکی ہے لیکن وزیراعلیٰ نے اس پر دستخط نہیں کیے۔

اس خبر کو بھی پڑھیں: رینجرز کی اندرون سندھ کارروائیاں آئین سے متصادم ہیں، وزیراعلیٰ سندھ

ذرائع کا کہنا ہےکہ رینجرز اختیارات کے معاملے پر وزیراعلیٰ سندھ قائم علی شاہ، وزیر داخلہ سہیل انور سیال اور مشیر قانون مرتضیٰ وہاب کو پارٹی قیادت نے دبئی طلب کرلیا ہے اس لیے تینوں جلد آصف زرداری سے مشاورت کے لیے دبئی جائیں گے۔

واضح رہے کہ سندھ حکومت نے گزشتہ سال سندھ اسمبلی میں قرارداد منظور کرکے رینجرز کو اختیارات سونپے تھے جس کے تحت رینجرز کو دہشت گردی، اغوا برائے تاوان، ٹارگٹ کلنگ اور بھتہ خوری کے خاتمے کے لیے اختیارات حاصل ہیں۔