- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
- صدر نے تین صوبوں کے گورنرز تعینات کرنے کی منظوری دیدی
- سی ایس ایس نتائج کا اعلان، کامیابی کی شرح 2.96 فیصد رہی
- چیف جسٹس کی مدت ملازمت میں توسیع شرمناک ہوگی، ترجمان پی ٹی آئی
- خاتون سے موبائل چھیننے والے کی بائیک پھسل گئی، شہریوں نے پکڑلیا
- چئیرمین پی اے سی کا انتخاب، پی ٹی آئی کے سینئر رہنماؤں نے شیر افضل کی مخالف کردی
- چار ماہ سے اسرائیل میں قید الشفا اسپتال کے معروف ڈاکٹر عدنان جاں بحق
- لاہور میں فری وائی فائی سروس کے مقامات کو دگنا کردیا گیا
- حافظ نعیم سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت
- شادی میں فائرنگ سے مہمان جاں بحق، دلہا سمیت 4 افراد گرفتار
- پی ایس ایل2025؛ پی سی بی نے آئی پی ایل سے متصادم تاریخیں تجویز کردیں
- پی ایس ایل2025 کب ہوگا؟ اگلے ایڈیشن کیلئے نئی ونڈو کی تاریخیں سامنے آگئیں
- سونے کی عالمی سطح پر قیمت میں اضافہ، مقامی مارکیٹ میں سستا ہوگیا
- قطر امریکی دباؤ پر حماس قیادت کو ملک سے بے دخل کرنے پر تیار ہوگیا، اسرائیلی میڈیا
- کراچی؛ پیپلزبس سروس میں اسمارٹ کارڈ سے ادائیگی کا نظام متعارف
- محسن نقوی کی اسٹیڈیمز کی اَپ گریڈیشن کیلئے کمیٹی تشکیل دینے کی ہدایت
- پولیس کی زمینوں پر پیٹرول پمپ، دکانیں، فلیٹ اور دفاتر کی تعمیر کا انکشاف
- ضبط کی جانیوالی اسمگل گاڑیوں کی کم قیمت پر نیلامی کا انکشاف
- 9 ماہ میں 6.899 ارب ڈالرکی غیرملکی معاونت موصول
ملالہ ڈے پر پاکستان سمیت دنیا بھر میں تقریبات ، اظہار یکجہتی
اسلام آ باد / مظفر آباد / پشاور: اقوام متحدہ کے زیراہتمام ملالہ یوسفزئی سے اظہار یکجہتی کیلیے ہفتے کوپاکستان سمیت دنیا بھر میں ’’ملالہ ڈے‘‘منایاگیا۔
اس موقع پرمختلف تقریبات کا انعقاد کیا گیااورطالبہ سے یکجہتی کااظہارکیاگیاتاہم ملالہ کے آبائی شہرمینگورہ میں سرکاری وغیر سرکاری سطح پرکوئی تقریب نہ ہوسکی۔ نیشنل پریس کلب اسلام آبادمیں سائوتھ ایشین ویمن ان میڈیاکے زیر اہتمام ایک تقریب ہوئی، تقریب کے شرکا نے ملالہ پرحملے کی مذمت کی ، تقریب کے اعلامیے میں کہا گیا ہے کہ ریاست ملالہ یوسفزئی پر حملہ کرنیوالے طالبا ن کو کیفر کردار تک پہنچائے۔ پشاور پریس کلب میں ملالہ ڈے پر تقریب کا انعقاد کیاگیا،اس موقع پر صوبائی وزیر میاں افتخار حسین نے کہاکہ ملالہ یوسف زئی او راس کے ساتھ زخمی ہونے والی طالبات شازیہ اورکائنات کو ان کی قربانی کے اعتراف میں امن کانوبل انعام دیاجائے۔
لاہور میں طالبات نے کتابیں اٹھاکر انسانی زنجیربنائی اورملالہ کی جلد صحت یابی کیلیے دعا کی ، طالبات نے آرٹ اینڈکرافٹ کے ذریعے بھی ملالہ کوخراج تحسین پیش کیا۔آزادکشمیر میں بھی ملالہ ڈے منایا گیا، اس موقع پر دارالحکومت مظفرآبادسمیت مختلف شہروں میں تقریبات کا انعقاد کیاگیا۔ملالہ ڈے کے موقع پر اسلام آباد میںسیکیورٹی انتہائی سخت رہی۔ادھرملالہ ڈے پرطالبہ کے آبائی شہرمینگورہ میں کوئی تقریب نہ ہوسکی تاہم ملالہ کے اسکول میں اسمبلی کے دوران طالبات نے اس کی صحت یابی کیلیے دعاکی اورشمعیں روشن کیں، اس موقع پرملالہ کی ساتھی طالبات شازیہ اورکائنات نے پیغام دیاکہ ملالہ آپ جلد صحت یاب ہوکرواپس لوٹ آئو تاکہ ہم دوبارہ اکھٹے اسکول جاسکیں۔
اے ایف پی کے مطابق خوشحال پبلک اسکول کی پرنسپل مریم خالد نے بتایاکہ ہم نے کھلے مقام پرتقریب منعقدنہیں کی کیونکہ ہمارے اسکول کی بچیوں کو اب بھی خطرہ ہے۔ملالہ کے ساتھ زخمی ہونے والی کائنات نے بی بی سی کو انٹرویو میں بتایا کہ ملالہ کی جرات نے ہمیں خوفزدہ نہ ہونے کاحوصلہ دیا ہے ، میں ڈاکٹر بننا چاہتی ہوں اور ایسا تب تک نہیں کرسکتی جب تک اسکول نہیں جائوں گی،کائنات نے بتایا کہ گھر کے باہر محافظوں کی موجودگی کے باوجود خود کو محفوظ نہیں سمجھتی اورابھی تک خوفزدہ ہیں۔شازیہ رمضان نے بتایا کہ میں اب بھی دہشت زدہ ہوں،حملہ ہمیں اسکول سے روکنے کی کوشش تھی،یہ ہمارا امتحان تھا اوراس میں ہم نے ضرور پاس ہونا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔