کارساز کمپنیوں نے ٹیکسوں میں کمی کا مطالبہ کر دیا

گاڑیاں سستی کرنے کیلیے اسٹیل والمونیم الائے پرریگولیٹری ڈیوٹی ختم،خام مال،پلانٹ و مشینری پرود ہولڈنگ1 فیصد کیا جائے

Business Reporter April 07, 2018

برآمدی آئٹمزپرمحصول0.5 فیصد، چھوٹ سرٹیفکیٹ آسان،ٹیکس کریڈٹ بحال کیاجائے، پاما،بجٹ تجاویز،سپرٹیکس امتیازی قرار۔ فوٹو: فائل

کارساز کمپنیوں نے ٹیکسوں میں کمی کا مطالبہ کردیا۔

پاکستان آٹو مینوفیکچررز ایسوسی ایشن (پاما) نے حکومت کو اپنی بجٹ تجاویز ارسال کردیں جس میں مقامی طور پر تیار کی جانے والی گاڑیوں کی قیمتوں میں کمی لانے کیلیے سفارشات دی گئی ہیں۔

بجٹ تجاویز میں پاما نے کہاکہ ایس آر او 1178(I)2015 کے تحت لگائے جانے والی اضافی ڈیوٹی سے صنعت متاثر ہوئی ہے، اسی طرح کچھ ایس آر اوز میں چھوٹ کے ذریعے بھی قیمتوں میں کمی لائی جاسکتی ہے، اسٹیل پر 5 فیصد سے 30 فیصد تک ریگولیٹری ڈیوٹی بھی عائد ہے، یہ اسٹیل شیٹس آٹو انڈسٹری کا بنیادی خام مال ہے اور ملک میں تیار نہیں کیا جاتا، اس کا صنعت پراثر پڑتا ہے جو تقریباً 3 ہزار سے 5 ہزار روپے تک ہے، اس لیے اس ضمن میں امپورٹ پر چھوٹ دی جائے جس طرح ایس آر اوز کے تحت دیگر صنعتوں کو دی گئی ہے۔

پاما نے کہا کہ انکم ٹیکس آرڈیننس کے سیکشن 148 میں ترمیم کی جائے تاکہ خام مال، پلانٹ اور مشینری پر ود ہولڈنگ کی شرح کم ہوسکے اور اسے 5.5 فیصد سے 1 فیصد تک لایا جائے، چھوٹ کے سرٹیفکیٹ کے اجرا کے مراحل کو بھی آسان بنایا جائے۔

ای ڈی بی کی تجویز کے مطابق برآمدی آئٹمزپر ودہولڈنگ ٹیکس کم کرکے 0.5 فیصد کیا جائے تاکہ مارکیٹ میں مسابقت کرتے ہوئے برآمدی ہدف کو حاصل کیا جاسکے،ایکسپورٹ پر ودہولڈنگ ٹیکس کی وجہ سے انجینئرنگ مصنوعات کی قیمتوں پر اثر پڑتا ہے جو صنعت کیلیے بھاری بوجھ بن جاتا ہے۔

پاما نے کہا کہ المونیم الائے پر بھی ریگولیٹری ڈیوٹی کو ختم کیا جائے کیونکہ یہ اسٹیل انڈسٹری کو تحفظ دینے کیلیے عائد کیا گیا تھا۔ پاما نے سپرٹیکس کو بھی امتیازی قرار دیتے ہوئے اسے ختم کرنے کی سفارش کی ہے، اس سے غیرملکی سرمایہ کاری میں اضافہ ہوگا اور سرمایہ کاروں کا اعتماد بڑھے گا۔

پاما نے کہا کہ ابتدائی الاؤنس کی شرح کو بحال کیا جائے جو پہلے پلانٹ اور مشینری کیلیے 50 فیصد اور بلڈنگز کیلیے 25 فیصد تھا، اسی طرح ٹیکس کریڈٹ کو بھی بحال کیا جائے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

کارساز کمپنیوں نے ٹیکسوں میں کمی کا مطالبہ کر دیا

انٹرٹینمنٹ

کبریٰ خان نے فروری میں شادی کی تصدیق کردی

عاشقی 3 سے نکالے جانے کی خبروں پر ٹرپتی ڈمری کی خاموشی ٹوٹ گئی

گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

کارساز کمپنیوں نے ٹیکسوں میں کمی کا مطالبہ کر دیا

ہمارے ساتھ شامل ہوں

مقبول خبریں

انٹرٹینمنٹ

کبریٰ خان نے فروری میں شادی کی تصدیق کردی

عاشقی 3 سے نکالے جانے کی خبروں پر ٹرپتی ڈمری کی خاموشی ٹوٹ گئی

گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین