مقبوضہ کشمیر میں آبروریزی کے تمام واقعات کی دوبارہ تحقیقات کرائی جائیں میر واعظ

برطانوی اور یورپی پارلیمنٹ کے65 ارکان نے دستخط کے بعد ’’کشمیر پٹیشن‘‘ وزیراعظم تھریسامے کو پیش کردی گئی

News Agencies April 21, 2018

بے حرمتی اور قتل کے مقدمے کی تیزتر سماعت کے مطالبے کے حق میں جموں ریجن کے علاقوں کشتواڑ، بھدروہ اور رام بن میں مسلمانوں نے ہڑتال کی،ضلع بارہ مولہ کے قصبے اوڑی میں بھی ہڑتال کی گئی۔ فوٹو اے پی پی

NEW YORK: مقبوضہ کشمیر میں حریت فورم کے چیئرمین میر واعظ عمر فاروق نے 8 سالہ آصفہ کی آبروریزی اور قتل کے مجرموں کو کڑی سز ا دینے اور بھارتی فورسز کی طرف سے 1990سے کیے جانے والے عصمت دری کے تمام واقعات کی دوبارہ تحقیقات کا مطالبہ کیا ہے۔

جامع مسجد سری نگر میں عوامی اجتماع سے خطاب کرتے ہوئے میر واعظ عمر فاروق نے کہا کہ اس وقت جب پوری دنیا میں آصفہ کے المناک واقعے پر غم و غصہ پایا جاتا ہے اور انصاف کا مطالبہ کیا جارہا ہے کشمیری آبروریزی کا شکار سیکڑوں خواتین کو انصاف کی فراہمی کا مطالبہ کر رہے ہیں۔

میر واعظ نے کہاکہ بھارتی فوجیوں نے کشمیریوں کے جذبہ آزادی کو دبانے کیلیے کنن پوشپورہ، چک سعدپورہ، پزی پورہ، پالہ پورہ، شوپیاں، بدسگام، بالی پورہ اور دیگر علاقوں میں آبروریزی کی بہیمانہ کارروائیاں کی ہیں۔ ان تمام واقعات کی غیر جانبدار ایجنسیوں کے ذریعے تحقیقات کرا کے مجرموں کو سزا دی جائے۔

سید علی گیلانی ، میر واعظ عمر فاروق اور یاسین ملک پر مشتمل مشترکہ مزاحمتی قیادت نے سری نگر میں جاری ایک بیان میں بھارتی فورسز کی طرف سے مقبوضہ علاقے میں انسانی حقوق کی بڑھتی ہوئی خلاف ورزیوں کی شدید مذمت کی۔

حریت رہنمائوں مختار احمد وازہ اور جاویداحمد میر نے اسلام آباد، سری نگر اور بڈگام کے علاقوں میں عوامی اجتماعات سے خطاب کرتے ہوئے مقبوضہ کشمیرمیںبھارتی مظالم پر عالمی برادری کی خاموشی پر افسوس ظاہر کیا۔

جموں ریجن کے علاقوں کشتواڑ ، بھدروہ اور رام بن میں مسلمانوں نے ننھی آصفہ کی بے حرمتی اور قتل کے مقدمے کی تیزتر سماعت کا مطالبے کے حق میں ہڑتال کی۔ ننھی بچی کی بے حرمتی اور قتل کے خلاف ضلع بارہ مولہ کے قصبے اوڑی میں بھی مکمل ہڑتال کی گئی۔ حریت رہنما امتیاز احمد ریشی نے اس سانحے کے خلاف سری نگر کے علاقے صورہ میں ایک احتجاجی مظاہرے کی قیادت کی۔

بھارتی پولیس نے جموںوکشمیر لبریشن فرنٹ کے چیئرمین یاسین ملک کو سری نگر میں گھر پر چھاپے کے دوران گرفتار کرکے کوٹھی باغ تھانے میں نظر بند کردیا۔ پولیس نے ضلع پلوامہ کے علاقوں پرچھو اور ملک پورہ سے گزشتہ رات گھروں پر چھاپوں کے دوران 4 نوجوان گرفتار کرلیے۔

برطانوی اور یورپی پارلیمنٹ کے65 ارکان کے دستخط کے بعد کشمیر پٹیشن برطانوی وزیر اعظم تھریسامے کو پیش کردی گئی۔ جموں کشمیر تحریک حق خودارادیت انٹرنیشنل کے بانی چیئرمین راجا نجابت حسین نے ممبران پارلیمنٹ افضل خان، بیرسٹر عمران حسین، کونسلر یاسمین ڈار، محمد اعظم، سمیرا شاہد راجا، شاہدہ جرال، راجا اعجاز محمود نے10ڈائوننگ اسٹریٹ جا کرکشمیر پٹیشن جمع کرائی۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبوضہ کشمیر میں آبروریزی کے تمام واقعات کی دوبارہ تحقیقات کرائی جائیں میر واعظ

انٹرٹینمنٹ

کولڈ پلے کنسرٹ میں شاہ رخ خان کا چرچا، سوشل میڈیا پر دھوم مچ گئی

سیف علی خان پر حملے کے بعد کرینہ کپور کا پہلا بیان سامنے آگیا

راکھی ساونت نے ہانیہ عامر، نرگس اور دیدار کو ڈانس مقابلے کا چیلنج دے کر تہلکہ مچادیا

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

مقبوضہ کشمیر میں آبروریزی کے تمام واقعات کی دوبارہ تحقیقات کرائی جائیں میر واعظ

ہمارے ساتھ شامل ہوں

مقبول خبریں

انٹرٹینمنٹ

کولڈ پلے کنسرٹ میں شاہ رخ خان کا چرچا، سوشل میڈیا پر دھوم مچ گئی

سیف علی خان پر حملے کے بعد کرینہ کپور کا پہلا بیان سامنے آگیا

راکھی ساونت نے ہانیہ عامر، نرگس اور دیدار کو ڈانس مقابلے کا چیلنج دے کر تہلکہ مچادیا

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین