روسی وفدکی پاکستان آمدسندھ میں بی ٹوبی میٹنگز

متعدد شعبوں میں مفاہمت کی یادداشتوں پردستخط اورمعاہدے متوقع ہیں،ناہیدمیمن

Business Reporter April 25, 2018

متعدد شعبوں میں مفاہمت کی یادداشتوں پردستخط اورمعاہدے متوقع ہیں،ناہیدمیمن فوٹو: نیٹ

سندھ بورڈ آف انویسٹمنٹ کی چیئرپرسن ناہید میمن نے کہاہے کہ روس اور پاکستان کے درمیان مختلف شعبوں میں تجارت وسرمایہ کاری کی سرگرمیوں کے علاوہ ریجنل کوآپریشن بڑھانے کا یہ اہم وقت ہے۔

یہ بات انہوں نے ایس بی آئی کی جانب سے منگل کوسینٹ پیٹرزبرگ اور روس سے آئے ہوئے تجارتی وفد کے ساتھ سندھ سے تعلق رکھنے والے صنعت کاروں، تاجروں کے ساتھ بزنس ٹو بزنس ملاقات کے دوران کہی۔ انہوں نے کہا کہ پاکستان اور روس کے مابین تعلقات کی ایک تاریخ ہے جس کی اہم مثال پاکستان اسٹیل ملز ہے، پاکستان پیپلز پارٹی کی قیادت نے روس کے ساتھ تعلقات کو خصوصی اہمیت دی ہے۔

انہوں نے کہا کہ سینٹ پیٹرز برگ کے وفد کے حالیہ دورے میں متعدد شعبوں میں مفاہمت کی یاد داشتوں پردستخط اورمعاہدے متوقع ہیں جن سے دونوں ملکوں کے تعلقات مزید مستحکم ہونگے۔

روسی وفد میں پی جے ایس سی پاور مشین کمپنی کے عہدیداران ،فارما سیوٹیکل کمپنی گیرو فارم آئل،گیس،کیمیکل اور میٹرولوجیکل سیکٹر کی کمپنی ریپ ہولڈنگ، اسپیئر پارٹس، ڈائیگناسٹک، ریپئر،ٹریننگ اور دیگر شعبوں کی کمپنی ریکورس، پاور آف فیشن کی کمپنی ڈیرزا ہیواموڈدھاگوں کی کمپنی کراسنایانٹ،پولیسٹرتھریڈ کمپنی اپیریل ٹیکسٹائل، چیمبر آف ٹیکسائل اینڈ فیشن کمپنی،ہوٹلز اینڈ ریسٹو رینٹس ایسوسی ایشن فیڈریشن روس کے صدر مسٹرگاربر،فلائٹ اینڈ ٹرمینل آپریشنز اور گرانڈ ہینڈلنگ سروسز کی کمپنی ایئر گیٹ آف دی ناردرن کیپٹل، ڈیزائننگ اینڈ کنسٹرکشن آف ہیٹ جنریٹنگ پلانٹس کی کمپنی ہائڈرولیکس اور دیگرروسی کمپنیوں کے عہدیداران کے علاوہ سندھ سے ایس بی آئی حکام، سندھ انٹر پرائز ڈیویلپمنٹ فنڈ، نیسپاک،مرکری گروپ آف کمپنیز، صدیق سنز انرجی لمیٹڈ، مارٹن ڈافارما سیوٹیکلز، ہلٹن فارما، گل احمد کمپنی، نیشنل فوڈزودیگرموجود تھے۔