- کراچی؛ نامعلوم مسلح ملزمان کی فائرنگ سے 7بچوں کا باپ جاں بحق
- پاک بھارت ٹیسٹ سیریز؛ روہت شرما نے دلچسپی ظاہر کردی
- وزیرخزانہ کی امریکی حکام سے ملاقات، نجکاری سمیت دیگرامورپرتبادلہ خیال
- ٹیکس تنازعات کے سبب وفاقی حکومت کے کئی ہزار ارب روپے پھنس گئے
- دبئی میں بارشیں؛ قومی کرکٹرز بھی ائیرپورٹ پر محصور ہوکر رہ گئے
- فیض آباد دھرنا: ٹی ایل پی سے معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
- ٹرین سےگرنے والی خاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
علی ظفر اپنا نوٹس واپس لیں ورنہ قانونی کارروائی کروں گی، میشا شفیع کا جواب
کراچی: گلوکارہ و اداکارہ میشا شفیع نے علی ظفر کے لیگل نوٹس کا جواب دیتے ہوئے کہا ہےکہ علی ظفر فوری طور پر اپنانوٹس واپس لیں ورنہ ان کے خلاف سول اور فوجداری قوانین کے تحت کارروائی ہوگی۔
گلوکارہ میشا شفیع نے چند روز قبل اداکار علی ظفر پر جنسی ہراسانی کاالزام لگاتے ہوئے کہاتھا کہ علی ظفر نے انہیں مختلف مواقعوں پر ایک بار نہیں بلکہ ایک سے زائد بار ہراساں کیا ہے۔ میشا کےان الزامات نے میڈیا پر طوفان مچادیاتھا، تاہم علی ظفر نے اپنے اوپرلگائے گئے تمام الزامات کو بے بنیاد قرار دیتے ہوئے انہیں نوٹس جاری کیا تھا کہ اگر میشا نے اپنے الزامات واپس نہ لیے تو وہ ان پر100 کروڑ ہرجانے کا دعویٰ دائر کردیں گے۔ تاہم اب میشا شفیع نے علی ظفر کے لیگل نوٹس کا جواب دیتے ہوئے کہا ہے کہ علی ظفر اپنا لیگل نوٹس فوری طور پر واپس لیں اور اگر انہوں نے نوٹس واپس نہ لیا تو ان کے خلاف سول اور فوجداری قوانین کے تحت کارروائی کی جائے گی۔
اس خبرکوبھی پڑھیں: میشا شفیع نے علی ظفر کے ساتھ قانونی جنگ کیلئے کمر کس لی
علی ظفر کے لیگل نوٹس کا جواب میشا شفیع کے وکیل بیرسٹر احمد پنسوٹا، نگہت داد ، قانون دان حنا جیلانی اور ثاقب جیلانی کی وساطت سے بھجوایا گیا ہے جو 4 صفحات پر مشتمل ہے۔
میشا کی جانب سے کہا گیا ہے کہ وہ علی ظفر کے نوٹس میں ان پر لگائے گئے تمام الزامات کو مسترد کرتی ہیں جب کہ جواب میں علی ظفر سے مطالبہ کیاگیا ہے کہ وہ فوری طور پر معافی مانگیں۔ نوٹس کے جواب میں میشا شفیع نے کہا کہ وہ کسی صورت الزام واپس نہیں لیں گی، ان کی جانب سے علی ظفر پر لگائے گئے تمام الزامات درست اور حقائق پر مبنی ہیں۔ علی ظفر کے بیانات میری آواز کو دبانے کی کوشش ہے، علی ظفر کے ٹوئٹس اور الزامات کو مسترد کرتی ہوں، ان کے بیانات میری ساکھ پر حملہ ہیں۔ علی ظفر کی سوشل میڈیا مہم کے باعث ٹوئٹر کے علاوہ مجھے اپنے تمام سوشل میڈیا اکاؤنٹس بند کرنے پڑے۔ میشا شفیع کی قانونی ٹیم کا کہنا ہے کہ ہماری کلائنٹ نے اپنے ساتھ ہوئے حادثے سے متعلق عوام کو بتانے کا فیصلہ کیا جب کہ اس بات کا خطرہ موجود تھا کہ اس سے ان کی فیملی پر برے اثرات مرتب ہوں گے لیکن انہوں نے بہادری کا مظاہرہ کیااور اپنے ساتھ ہوئے واقعے کو شیئر کیا۔
نوٹس میں مزید کہا گیا ہے کہ مشیا شفیع کے بعد مزید خواتین سامنےآئیں جو علی ظفر کے ساتھ کام کرچکی تھیں۔ مشیا شفیع نے اپنے وقار اور عزت کی خاطر اور شوبز انڈسٹری سے وابستہ دوسری خواتین کیلئے اس معاملے پر مزید خاموش نہ رہنے کا فیصلہ کیااور تمام لوگوں کو اپنے ساتھ ہوئے واقعے سے آگاہ کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔