اقتصادی ترقی کی شرح 6 فیصد پر لانے کیلیے فارمولا پیش

مہنگائی کم،روزگارکے نئے مواقع کی تلاش،فنی تربیت کے منصوبے شروع، ناداروں کوسماجی تحفظ دیاجائے،اقتصادی ایجنڈاتجویز فوٹو: فائل

---

پاکستان بزنس کونسل نے سالانہ مجموعی قومی پیداوار کو 6 فیصد تک لانے کا فارمولا پیش کردیا ہے۔

پاکستان بزنس کونسل کی ایک رپورٹ میں ملکی معیشت کی بحالی اور استحکام کے لیے قومی اقتصادی ایجنڈا تجویز کیا گیا ہے جس کے تحت معاشی اصلاحات اور سرمایہ کاری کا فروغ ممکن ہوسکے گا جبکہ بچتوں میں اضافے کی شرح بھی بڑھ جائے گی اور ساتھ ہی مجموعی قومی پیداوار سالانہ6 فیصد کی مستحکم سطح تک لائی جاسکے گی۔



پاکستان بزنس کونسل کا کہنا ہے کہ عام پاکستانی کا معیار زندگی بہتر ہو سکتا ہے تاہم ضرورت اس بات کی ہے کہ بجلی اور گیس کے بحران کا خاتمہ ہو، کریڈٹ مارکیٹ میں نجی شعبے کی حوصلہ افزائی اور ریجنل اکانومی میں پاکستانی معیشت کے فروغ کے لیے مشترکہ سرمایہ کاری کے منصوبوں کے لیے حکومت کو خصوصی اور فوری توجہ دینی چاہیے۔ بزنس کونسل کے مطابق افراط زرکی شرح سنگل ڈیجٹ تک لانے، روزگار کے نئے مواقع کی تلاش اور نادار طبقے کے لیے مخصوص سماجی تحفظ اور فنی تربیت کے منصوبوں پر توجہ دینے سے معیشت کو بہتر بنایا جا سکتا ہے۔