ابھیشیک بچن ایک بار پھر شائقین کو متاثر کرنے میں ناکام

ممبئی: اداکار ابھیشیک بچن نے فلموں سے دوسال تک کنارہ کشی اختیار کرنے کے بعد فلم ’’من مرضیاں‘‘سےبڑی اسکرین پر واپسی کی ہے لیکن وہ ایک بار پھر شائقین کو متاثر کرنے میں ناکام ہوگئے۔

دوروز قبل ابھیشیک بچن اور تاپسی پنوں کی فلم’’من مرضیاں‘‘ ریلیز ہوئی تھی، اس فلم سے ابھیشیک بچن کو بہت زیادہ امیدیں وابستہ تھیں، تاہم  30 کروڑ کے بجٹ سے بننے والی فلم توقع کے برعکس شائقین کو متاثر کرنے میں ناکام رہی۔

اس خبرکوبھی پڑھیں:  ’’من مرضیاں‘‘ کی پاکستان میں نمائش پر پابندی

بھارتی تجزیہ نگار ترن آدرش کے مطابق فلم’’من مرضیاں‘‘ریلیز کے  پہلے روز صرف 3 کروڑ 52 لاکھ کابزنس کرنے میں کامیاب ہوئی ہے جب کہ دوسرے روز 5 کروڑ 11 لاکھ کا بزنس کرسکی۔ لہٰذا فلم کے بزنس کو مدنظر رکھتے ہوئے اسے اوسط درجےکی فلم قراردیا جاسکتا ہے۔

#Manmarziyaan witnesses a healthy 45.17% growth on Day 2, although after a low Day 1, the jump in biz should’ve been higher… North circuits are performing better… Fri 3.52 cr, Sat 5.11 cr. Total: ₹ 8.63 cr. India biz.

— taran adarsh (@taran_adarsh) September 16, 2018

واضح رہے کہ اداکار ابھیشیک بچن کا کہنا ہے کہ انہوں نے فلموں سے دوسال کا بریک اس لیے نہیں لیا تھا کہ انہیں کام ملنا بند ہوگیا تھا بلکہ وہ صرف اچھے اسکرپٹ کے انتظار میں تھے۔