- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
پی ایس ایل نے ہاکی اولمپئنز کو بھی کرکٹ کا دیوانہ بنادیا
لاہور: پاکستان سپر لیگ کے میچز نے قومی کھیل ہاکی میں ملک کی پہچان بننے والے اولمپئنز کو بھی اپنے سحر میں جکڑ لیا ہے۔
ہاکی اسٹارز اپنی فیورٹ ٹیموں کو سپورٹ کرنے کے ساتھ پی ایس ایل کے میچز کو بڑی دلچسپی کے ساتھ دیکھ رہے ہیں۔
ہاکی فیڈریشن کے سیکریٹری شہباز سینیئر کے مطابق پی ایس ایل کے اگلے مرحلے میں غیر ملکی کھلاڑیوں کے لاہور اور کراچی میں آکر کھیلنے سے ہاکی لیگ کے لیے مدد بھی ملے گی۔ پی ایس ایل کے میچز میں 40 سے زیادہ غیر ملکی کھلاڑیوں کی آمد نے اس ایونٹ کو چار چاند لگا دئیے ہیں، جب یہ معروف کرکٹرز لاہور اور کراچی میں آکر کھیلیں گے تو پوری دنیامیں ایک مثبت پیغام جائے گا کہ پاکستانی قوم کھیل اور کھلاڑیوں سے محبت کرنے والی قوم ہے، اس سے پوری دنیا کو باور کرانے میں مدد ملے گی کہ ہمارا ملک ہر لحاظ سے اب محفوظ ملک ہے اور پاکستانی شائقین کو کھیلوں کے شاندار مقابلوں سے محروم نہیں رکھا جاسکتا۔ پی سی ایل ختم ہونے کے بعد پاکستان سپرہاکی لیگ کا میلہ یہاں سجانے کی تیاریاں کررہے ہیں جس میں کرکٹ کی طرح غیرملکی ہاکی اسٹارز کی ایک بڑی تعداد آکر کھیلے گی۔
کوچ دانش کلیم کے مطابق لاہوری ہونے کی وجہ سے لاہور قلندرز ان کی فیورٹ ٹیم ہے، ہمیشہ اس ٹیم کو سپورٹ کرتے ہیں، بدقسمتی سے اس کے نتائج توقعات کےمطابق نہیں آتے لیکن اس کے باوجود قلندرز کی کامیابی کے لیے دعاگو رہتے ہیں۔ پی ایس ایل فور میں گوکہ لاہور کی ٹیم پہلا میچ ہارگئی ہے لیکن یقین ہےکہ اسٹارز سجی یہ ٹیم اس دفعہ فائنل ضرور کھیلے گی۔
اولمپیئن فارورڈ خالد حمید کا کہنا تھا کہ پی ایس ایل کے میچز باقاعدگی سے دیکھ رہے ہیں ، لاہور کی ٹیم میری فیورٹ ٹیم ہے،پاکستان میں پی ایس ایل کے میچز سے ہاکی لیگ کے لیے دروازے بھی غیرملکی کھلاڑیوں کے لیے کھلیں گے، جس سے قومی کھیل بھی ترقی کرے گا اور ملک کا نام بھی روشن ہوگا۔
اولمپیئن زاہد شریف کا کہنا ہے کہ پاکستان میں زیادہ تعداد میں پی ایس ایل میچز کا ہونا بڑی خوش آئند بات ہے، جس طرح پی ایس ایل پاکستان کا ایک برانڈ بن چکا، بالکل ایسےہی پاکستان سپرہاکی لیگ بھی کامیاب ہوگی۔
اولمپیئن محمد شبیر کے نزدیک ہر وہ لیگ سے جس سے پاکستان کی مقبولیت اور وقار میں اضافہ ہواس کو سپورٹ کرنا چاہیے، پی ایس ایل سے کرکٹ کی مقبولیت میں اضافہ ہوا، اس طرح جب ہاکی لیگ کی رونقین لگیں گے تو نوجوان قومی کھیل میں بھی دلچسپی لیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔