ضلع کرم میں گزشتہ 3 روز سے بارشوں اور برف باری کا سلسلہ سے جاری ہے فوٹو: فائل
ضلع کرم میں گزشتہ 3 روز سے میدانی علاقوں میں بارشوں اور پہاڑی علاقوں میں برف باری کا سلسلہ جاری ہے۔ جس کے باعث جہاں ایک جانب سردی کی شدت میں اضافہ ہو گیا ہے تو دوسری جانب کچے مکانات کو نقصان بھی پہنچا ہے۔
شدید بارشوں کی وجہ سے لوئر کرم کے گاؤں ششو میں سرور جان نامی ایک شخص کی مکان کی چھت گرنے سے اس کے 3 بیٹے محمد طیب، محمد سہیل اور احمد ملبے تلے دب گئے۔
مقامی لوگوں اور ضلعی انتظامیہ کی کوششوں سے تینوں بچوں کو ملبے سے نکال کر فوری طور پر اسپتال منتقل کیا گیا۔ تاہم 13 سالہ احمد زخموں کی تاب نہ لاکر ابدی نیند سو گیا جب کہ اس کے دونوں بھائی زخمی ہیں۔
