آفریدی نے ریٹائرمنٹ کا تاثر مسترد کردیا، اگلی پی ایس ایل کیلیے دستیاب

 کراچی:  شاہد آفریدی کے میدان کا چکر لگانے پر لیگ کرکٹ سے بھی ریٹائرمنٹ کی چہ مگوئیاں ہونے لگیں۔

سابق کپتان شاہد آفریدی نے پریس کانفرنس میں واضح کیا کہ غیر اہم میچ ہونے کے باوجود تماشائیوں کی بڑی تعداد نے اسٹیڈیم کا رخ کرکے کرکٹ سے محبت کا ثبوت دیا، میں نے ان کا شکریہ ادا کرنے کیلیے  میدان کا چکر لگایا، انھوں نے کہا کہ مجھے تھوڑے فٹنس مسائل ہیں اگلے 2،3 ماہ میں ان پر قابو پانے کی کوشش کروں گا۔

ایک سوال پر آفریدی نے کہا کہ ملتان سلطانز سے پوچھوں گا کہ وہ اگلے سیزن میں مجھے ساتھ رکھنا چاہتے ہیں یا نہیں، میں تو کھیلوں گا، انھوں نے کہا کہ مالک کی وجہ سے میں کوئٹہ گلیڈی ایٹرز کو فیورٹ قرار دوں گا۔