بال ٹیمپرنگ کیس اسٹیو اسمتھ اور ڈیوڈ وارنر کی ایک سالہ پابندی ختم

سابق کپتان اسمتھ اور وارنر اس وقت آئی پی ایل میں اپنی صلاحیتوں کا مظاہرہ کرنے میں مصروف ہیں. فوٹو : فائل

---

بال ٹیمپرنگ میں بدنام ہونے والے آسٹریلوی کرکٹرز اسٹیو اسمتھ اور ڈیوڈ وارنر کی ایک سالہ پابندی ختم ہو گئی۔

بال ٹیمپرنگ میں بدنام ہونے والے آسٹریلوی کرکٹرز اسٹیو اسمتھ اور ڈیوڈ وارنر کی ایک سالہ پابندی ختم ہوگئی، وہ اب انٹرنیشنل کرکٹ میں واپس آنے کے اہل ہوگئے ہیں۔ کرکٹ آسٹریلیا نے مارچ 2018 میں دونوں کرکٹرز کو کیپ ٹاون ٹیسٹ میں بال ٹیمپرنگ کرنے پر ایک سال کی پابندی کی سزا دی تھی۔ اس جرم میں شریک وارنر اور اسمتھ کے تیسرے ساتھی کیمرون بین کرافٹ نو ماہ کی پابندی کی سزا پہلے ہی مکمل کرکے ان دنوں دوبارہ کرکٹ سرگر میوں کو آغاز کرچکے ہیں۔

سابق کپتان اسمتھ اور وارنر اس وقت آئی پی ایل میں اپنی صلاحیتوں کا مظاہرہ کرنے میں مصروف ہیں، کرکٹ آسٹریلیا کے مطابق وارنر اور اسمتھ ورلڈکپ کے لیے مجوزہ کھلاڑیوں کی فہرست میں شامل ہیں تاہم انہیں ٹیم میں جگہ بنانے کے لیے فٹنس ٹیسٹ پاس کرنا ہوگا۔