- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
ڈیبیو پر سنچری کا مزہ کرکرا ہوگیا، عابد علی
دبئی: چوتھے میچ میں پاکستان ٹیم کی شکست نے عابد علی کی سنچری کا مزہ کرکرا کردیا۔
آسٹریلیا کے خلاف چوتھے میچ میں پاکستان ٹیم مینجمنٹ کی جانب عابد علی کوڈیبیو کا موقع فراہم کیا گیا، انھوں نے ڈومیسٹک اور اے ٹیم کی پرفارمنس کا سلسلہ برقرار رکھتے ہوئے 119 بالز پر 112 رنز تو بنائے مگران کی یہ تھری فیگر اننگز بھی ٹیم کے کسی کام نہ آئی جوکہ محمد رضوان کی سنچری کے باوجود بھی 6 رنزسے ہار گئی۔
عابد علی کہتے ہیں کہ اگر ہماری ٹیم یہ میچ جیت جاتی تو اس موقع کا لطف ہی کچھ اور ہوتا، ڈیبیو پر سنچری انفرادی طور پر تو میرے لیے خوشی کا باعث ہے لیکن اگر گرین شرٹس بھی جیت جاتے تو لطف دوبالا ہوجاتا۔
عابد علی گزشتہ کچھ عرصے سے شاندار کارکردگی کا مظاہرہ کررہے ہیں تاہم انگلینڈ لائنز کے خلاف یو اے ای میں شاندار کارکردگی نے انھیں توجہ کا مرکز بنادیا، اس کے بعد انھوں نے قائد اعظم ٹرافی کے فائنل میں بھی سنچری اسکور کی جس کی بدولت حبیب بینک ٹائٹل جیتنے میں کامیاب رہا، اس لیے جب آسٹریلیا کے خلاف بنچ پاور کی آزمائش کا فیصلہ کیا گیا تو عابد کو بھی اسکواڈ کا حصہ بنایا گیا اور آخر کار چوتھے میچ میں امام الحق کے بیمار ہونے پر انھیں ڈیبیو کا بھی موقع مل گیا۔
عابد کہتے ہیں کہ مجھے جمعے کی صبح ہی بتایا گیا کہ امام کے بیمار ہونے کی وجہ سے مجھے ڈیبیو کرنا ہے، میں مثبت اور کافی خوش تھا کیونکہ میرا سیزن کافی اچھا رہا تھا، مجھے امید تھی کہ موقع ملنے پر میں خود کو ثابت کردوں گا۔
ان کا مزید کہنا تھا کہ میچ میں میں نے اپنے شاٹس کھیلے مگر مایوسی اس بات کی ہے کہ میں اس مقابلے کو فنش نہیں کرپایا، آپ ڈیبیو پر سنچری کو میرے لیے بہترین قرار دے سکتے ہیں لیکن میں مایوس ہوں، بہرحال میں اپنی اس تھری فیگر اننگز کو اپنی بیٹی اور فیملی کے نام کرتا ہوں، پاکستان کے لیے کھیلنا میرا خواب تھا اور آخر میرے لیے ٹیم کا دروازہ کھل گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔