چرچ پرحملہ طالبان سے مذاكرات سبوتاژكرنے كی سازش ہوسکتی ہے وزیراعلیٰ پرويز خٹک

وزير اعلیٰ پرویز خٹک نے کہا كہ آل سينٹس چرچ پر حملے كی تحقيقات كے ليے مركزی اور صوبائی حكومتيں آخری حد تک جائيں گی۔ فوٹو: فائل

---

وزيراعلیٰ خيبرپختونخوا پرويز خٹک نے كہا ہے كہ كوہاٹی چرچ پر حملہ طالبان كے ساتھ مذاكرات كو سبوتاژ كرنے كی سازش ہوسكتی ہے تاہم جہاں تک طالبان كے ساتھ مذاكرات يا آپريشن كا تعلق ہے تو يہ مركزی حكومت كا اختيار ہے۔

پشاور میں ميڈيا سے بات کرتے ہوئے وزير اعلیٰ پرویز خٹک نے کہا كہ آل سينٹس چرچ پر حملے كی تحقيقات كے ليے مركزی اور صوبائی حكومتيں آخری حد تک جائيں گی۔ انہوں نے كہا كہ پشاور ميں گرجا گھر پر حملہ صرف مسيحی برداری پر نہيں بلكہ پوری قوم اور انسانيت پر حملہ ہے۔

وزير اعلیٰ خیبر پختونخوا نے يقين دلايا كہ صوبائی حكومت تمام مذاہب كی عبادت گاہوں اور مذہبی مقامات كو باہمی مشاورت كے ذريعے فل پروف سكيورٹی فراہم كرے گی۔ انہوں نے كہا كہ اس واقعے سے ملک اور بيرون ملک پاكستان كی بدنامی ہوئی ہے، ملک میں امن قائم کرنے كے لئے تمام سياسی جماعتوں نے وفاقی حكومت كو اختيار ديا ہے اور ہم ان كے فيصلے كے منتظر ہيں۔

وزيراعلیٰ پرویز خٹک نے كہا كہ ہم گزشتہ كئی سالوں سے جنگ لڑ رہے ہيں اور ہماری كوشش ہے كہ یہ جنگ اب ختم ہو اور امن قائم ہو۔ انہوں نے اس بات پر افسوس كا اظہار كيا كہ اس المناک واقعے پر متاثرين كے ساتھ يكجہتی كی بجائے انہيں ورغلايا گيا ليكن ہم منافقت كی سياست پر يقين نہيں ركھتے۔