وقار یونس کے ساتھ کام کرنے میں مسائل کا کوئی خدشہ نہیں مصباح الحق

وقار ماضی میں جس معیار کے بولر رہے ان جیسا دنیا میں شاید ہی کوئی اور ہو، وہ بولرز کی بہتر رہنمائی کرسکتے ہیں، ہیڈ کوچ۔ فوٹو: فائل

---

مصباح الحق کا کہنا ہے کہ وقار یونس کے ساتھ کام کرنے میں مسائل پیدا ہونے کا کوئی خدشہ نہیں۔

ہیڈ کوچ مصباح الحق نے کہا ہے کہ ہم دونوں پاکستان ٹیم کیلیے اور پی ایس ایل میں اکھٹے کام کرچکے ہیں۔ سابق پیسر ایک پروفیشنل،اپنے دائرہ کار کو جانتے اور دوسروں کے کام میں مداخلت نہیں کرتے، انھوں نے کہا کہ ہدایات ہیڈ کوچ ہی دیتا اور بتاتا ہے کہ بولرز سے کیا درکار ہے،بولنگ کے شعبے سمیت مجھے ہی بتانا ہے، کام ان کو کرنا ہے۔

مصباح نے کہا کہ وقار ماضی میں جس معیار کے بولر رہے ان جیسا دنیا میں شاید ہی کوئی اور ہو، وہ بولرز کی بہتر رہنمائی کرسکتے ہیں۔