وینس میں دنیا کا قدیم ترین فلمی میلہ سج گیا

69 ویں فلم فیسٹیول میں فلمی ستاروں کا ریڈ کارپٹ استقبال کیاگیا. فوٹو: ایکسپریس

---

NEW DEHLI: اٹلی کے شہر وینس میں دنیا کا قدیم ترین فلمی میلہ سج گیا جس کا افتتاح ایک رنگارنگ تقریب سے کیا گیا ۔ انہترویں فلم فیسٹیول کے لیے وینس کو دلہن کی طرح سجایا گیا ہے جب کہ اس میں شرکت کے لیے دنیا بھر کے فلمی ستارے وینس میں جگمگا رہے ہیں۔ انہترویں وینس فلم فیسٹیول میں شرکت کے لیے آنے والے فلمی ستاروں کا ریڈ کارپٹ استقبال کیاگیا۔ کیٹ ہڈسن جب ریڈ کارپٹ پراتریں تو ان کے پرستاروں نے دل کھول کرداد دی۔

تمام ستاروں نے فوٹو شوٹ کرایا۔ فلم فیسٹیول میں اٹھارہ فلموں کے درمیان گولڈن لائن ایوارڈ کے لیے مقابلہ ہورہا ہے۔ فیسٹیول کا افتتاح نامور بھارتی ہدایتکارہ میرا نائر کی فلم دی ریلکٹنٹ فنڈامنٹلسٹ سے ہوا، فلم پاکستانی ادیب محسن حامد کے ناول پر مبنی ہے۔ وینس فلم فیسٹیول میں باون فلمیں شامل کی گئی ہیں جن میں سے اکیس کی ڈائریکشن خواتین نے کی ہے۔