قومی اسمبلی میں منی لانڈرنگ ترمیمی بل منظور، سزاؤں میں اضافہ

خالد محمود  منگل 1 اکتوبر 2019
مشکوک لین دین پر 10 سال تک سزا، ملوث افراد کو 50  لاکھ روپے تک جرمانہ بھی ہو گا
فوٹو : فائل

مشکوک لین دین پر 10 سال تک سزا، ملوث افراد کو 50  لاکھ روپے تک جرمانہ بھی ہو گا فوٹو : فائل

 اسلام آباد: ترمیمی بل کے تحت منی لانڈرنگ میں ملوث افراد کی سزائیں بڑھا دی جائیں گی۔

قومی اسمبلی کے اجلاس کے دوران ترمیمی بل کثرت رائے سے منظور کرلیا گیا۔اس کے تحت مشکوک لین دین میں ملوث افراد کو 10سال تک سزا مل سکے گی، منی لانڈرنگ میں ملوث افراد کو50 لاکھ روپے تک جرمانہ بھی ہوگا۔منی لانڈرنگ قابل دست اندازی جرم ہوگا،اس میں ملوث شخص کو تفتیشی افسر گرفتار کرکے وجوہات سے آگاہ کرے گا۔

مالیاتی اینٹلی جنس یونٹ مشکوک ٹرانزیکشننز کی تحقیقات کرے گا۔بل فنانشل ایکشن ٹاسک فورس کی سفارشات کے مطابق بنایا گیا۔اینٹی منی لانڈرنگ  قانون عالمی معیارات کے ساتھ منظم کیا جائے گا۔ قومی اسمبلی میں غیر ملکی زرمبادلہ انضباط ترمیمی بل 2019 ء بھی منظور کرلیا گیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔