بھارتی لڑکی پاکستانی کی محبت میں گرفتار، کرتارپور پہنچ گئی

نمائندہ ایکسپریس  بدھ 4 دسمبر 2019
دونوں کرتارپور پہنچ گئے،اہلکاروں نے پکڑکر لڑکی کو بھارت،اویس کو گوجرانوالہ بھیج دیا

دونوں کرتارپور پہنچ گئے،اہلکاروں نے پکڑکر لڑکی کو بھارت،اویس کو گوجرانوالہ بھیج دیا

گوجرانوالہ:  ایک اور ہندوستانی لڑکی پاکستانی کی محبت میں گرفتار، ملنے کرتارپور پہنچ گئی۔

گوجرانوالہ کے اویس جو کہ بٹرانوالی گاؤں میں سبزی فروش ہے۔ ایک سال قبل اس کی دوستی بھارتی لڑکی منجیت کور سے فیس بک پر ہوئی جو کہ آہستہ آہستہ محبت میں بدل گئی۔ دونوں نے ایک ہونے کا سوچا اور پھر اسی دوران کرتارپور بارڈرکھل گیا جہاں پر دونوں نے ملنے اور پھر ایک ہونے کی ٹھان لی۔

منجیت کور اویس کو ملنے کرتارپورپہنچ گئی اور اویس سے ملاقات بھی ہوئی لیکن جب دونوں ایک ہونے کو نکلنے لگے تو سکیورٹی اہلکاروں نے پکڑلیا پوچھ تاچھ کے بعد منجیت کور کو اس کے ملک بھارت جبکہ اویس کو گوجرانوالہ واپس بھیج دیاگیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔