برطانوی پیشہ ورخاتون قاتل نے مردوں کو قتل کرکے گڑھے میں دفنانے کا اعتراف کرلیا

پولیس نے جوانا کی ایک آنکھ کے نیچے ہرے رنگ کے ٹیٹو کی تحقیقات کا آغاز کردیا ہے۔ فوٹو؛ کیون ڈش پریس

---

برطانیہ سے تعلق رکھنے والی پیشہ ور خاتون قاتل نے 3 افراد کو قتل کر کے گڑھے میں دفنانے کا اعتراف کرلیا۔

غیرملکی خبررساں ایجنسی کے مطابق 30 سالہ برطانوی پیشہ ورخاتون قاتل جوانا ڈینہے کے وکیل نے عدالت کو بتایا کہ جوانا نے 3 افراد کو تیز دھار آلے کی مدد سے قتل کر کے دفنا دیا تھا جن کی لاشیں مارچ اور اپریل میں ملیں تھیں۔ اس موقع پر جوانا نے بھی عدالت کے سامنے اپنے جرم کا اعتراف کیا۔ دوسری جانب پولیس جوانا کے چہرے پر ایک آنکھ کے نیچے ہرے رنگ کے ٹیٹو کی بھی تحقیقات کر رہی ہے، تحقیقات میں یہ جاننے کی کوشش کی جا رہی ہے کہ آیا جوانا کا تعلق کسی گروہ سے ہے یا وہ اکیلے ہی ان جرائم میں ملوث ہے۔