امریکا کیخلاف نفرت بڑھ رہی ہے پاکستان نے ڈرون حملوں کا معاملہ سلامتی کونسل میں اٹھادیا

حملوں میں مرنے والے دہشتگردوں کی تعداد بہت کم ہے،لوگ ہتھیار اٹھانے پرمجبور ہوجائیں گے، مستقل پاکستانی مندوب . اے ایف پی/ فائل

---

اقوام متحدہ میں مستقل پاکستانی مندوب مسعود خان نے ڈرون حملوں کا معاملہ سلامتی کونسل میں اٹھا دیا۔

مسعود خان نے کہا ہے کہ ڈرون حملوں سے تمام پاکستانیوں کو خطرہ ہے، اسے بند کروایا جائے، ڈرون حملوں کا ردعمل ہوتا ہے،عوام میں امریکا کے خلاف نفرت بڑھ رہی ہے،مزید لوگ ہتھیار اٹھانے پر مجبور ہوجائیں گے۔



بدھ کو اقوام متحدہ میں پاکستانی مندوب مسعود خان نے اقوام متحدہ کی سلامتی کونسل کے مستقل ارکان کو بریفنگ دیتے ہوئے کہا کہ ڈرون حملوں کو فوری طور پر بند نہ کروایا گیا تو مزید سیکڑوں بے گناہ شہری مارے جائیں گے ۔ رپورٹ کے مطابق پاکستان نے سلامتی کونسل میں ڈرون حملوں کا معاملہ وکلا کے مشورے پر اٹھایا۔