کورونا سے بچاؤ کی ویکسین کے بغیر اگلے سال بھی ٹوکیو اولمپکس کا انعقاد مشکل قرار

ویب ڈیسک / محمد یوسف انجم  منگل 28 اپريل 2020
ٹوکیو اولمپکس اب ری شیڈول کرکے اگلے سال جولائی میں رکھے گئے ہیں فوٹو: فائل

ٹوکیو اولمپکس اب ری شیڈول کرکے اگلے سال جولائی میں رکھے گئے ہیں فوٹو: فائل

ٹوکیو: جاپانی میڈیکل ایسوسی ایشن نے کورونا وائرس سے بچاؤ کی ویکسین کے بغیر اگلے سال بھی ٹوکیو اولمپکس کی میزبانی کو مشکل قرار دے دیا۔

میڈیا رپورٹس کے مطابق جاپان میڈیکل ایسوسی ایشن کے صدر یوشی ٹیکے نے واضح کیا ہے کہ میں یہ نہیں کہہ رہا کہ ٹوکیو اولمپکس کی میزبانی کرنی چاہیے یا نہیں کرنی چاہیے۔ یہ بتارہا ہوں کہ اگر اگلے سال تک کورونا وائرس کی کوئی باقاعدہ ویکسین تیار نہ ہوپائی تو پھر یہ مقابلے مشکل ہوجائیں گے۔

ٹوکیو اولمپکس اب ری شیڈول کرکے اگلے سال جولائی میں رکھے گئے ہیں۔ جاپان اب تک ان گیمز کی تیاری پر 13 ارب ڈالرز سے زیادہ خرچ کرچکا ہے۔ گیمز کے التواسے اخراجات کی لاگت میں مزید اضافہ ہوگیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔