- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
منیبہ اسکول کی عمارت پر قبضے کیخلاف طلبا کا احتجاج
کراچی: منیبہ گورنمنٹ پرائمری اسکول کی عمارت پرقبضے کے خلاف جمعہ کو سیکڑوں طلبہ وطالبات نے اسکول کی ملکیت کے دعویدار جاوید نہاری ہاؤس کے سامنے طویل احتجاج کیا، احتجاج 2گھنٹے تک جاری رہا۔
فیڈرل بی ایریا کے علاقے دستگیر میں قائم جاوید نہاری ہاؤس کے باہر اسکولوں کے طلبہ وطالبات کے احتجاجی مظاہرے میں متعلقہ حلقے کے حق پرست رکن صوبائی اسمبلی خالد بن ولایت ،پیپلزپارٹی کے رہنما سہیل عابدی اورتعلیم بچاؤایکشن کمیٹی کے کنوینرانیس الرحمٰن بھی شریک ہوئے جبکہ اے ڈی اوایلیمنٹری ایجوکیشن قربان دھڑاورڈی اوایجوکیشن پریل شیخ بھی اسکولوں کے طلبہ وطالبات سے اظہار یکجہتی کے لیے احتجاجی مظاہرے میں موجود تھے،طلبہ وطالبات مسلسل دوگھنٹے تک جاوید نہاری کے سامنے موجود رہے، سڑک پربیٹھ گئے اورنعرے لگاتے رہے، اس موقع پرجاوید نہاری کے مالکان اپنی دکان سے چلے گئے،طلبہ و طالبات کے احتجاج کے موقع پر اسکول کے ہیڈ ماسٹرکے علاوہ خواتین اساتذہ بھی شریک تھیں،احتجاجی مظاہرے میں جاوید نہاری کے آس پاس کے علاقہ مکین بھی شریک ہوگئے ۔
علاقہ مکینوں کا کہنا تھا کہ کاروبارکی خاطر تعلیمی اداروں پر قبضے کے اس شرمناک عمل کے خلاف اسکول کے طلبا کے ساتھ ہیں، علاقہ مکینوں نے طلبہ وطالبات سے اظہاریکجہتی کے لیے جاوید نہاری کے مالکان کے متعلقہ اقدام کوسخت تنقید کانشانہ بنایا، اس موقع پر رکن صوبائی اسمبلی خالد بن ولایت کا کہنا تھا کہ ایک منظم سازش کے تحت کراچی کے اسکولوں پرمسلسل قبضہ کیا جارہاہے تاہم وہ اس اقدامات کی ہرفورم پر مخالفت کریں گے،سندھ اسمبلی میں اس معاملے کو اٹھایاجائے گا ، حق پرست رکن صوبائی اسمبلی خالد بن ولایت کا کہنا تھا کہ اب تک کراچی کے درجنوں سرکاری اسکولوں کولینڈمافیا کے حوالے کیا جا چکا ہے،منیبہ اسکول کوبھی حقیقی مالکان کے بجائے متعلقہ پارٹی کے حوالے کرنا اسی اقدام کی ایک کڑی ہے جس کی ہرسطح پر بھرپور مخالفت کی جائے گی۔
احتجاجی مظاہرے میں موجود پیپلز پارٹی کے رہنما سہیل عابدی کاکہنا تھا کہ قومیائے گئے اسکولوں کو قانون کے تحت ان کے اصل مالکان کے حوالے کیاجاسکتاہے جس کے لیے اسکول کی عمارت میں تعلیمی سرگرمیاں جاری رکھنا بھی شرط ہے،جاوید نہاری کے مالکان منیبہ اسکول کے اصل مالکان ہیں اورنہ ہی متعلقہ قانون کو اس سلسلے میں ملحوظ خاطررکھاجارہاہے اس موقع پرموجود تعلیم بچاؤایکشن کمیٹی کے کنوینرانیس الرحمن کا کہنا تھا کہ منیبہ اسکول کومتعلقہ نجی پارٹی کے حوالے کرنے کی سازش سابق وزیر تعلیم پیر مظہرالحق کے دور میں شروع کی گئی تھی اس عمل کے براہ راست ذمے دارسابق وزیر تعلیم پیرمظہرالحق ہیں قبضہ مافیا کو پیر مظہر نے شہہ دی لہذا نیب کواس معاملے کانوٹس لیتے ہوئے سابق وزیرتعلیم کوشامل تفتیش کرنا چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔