3 روزہ’’ملائیشیا پاکستان پام آئل ٹریڈ فیئرو سیمینار‘‘ 15 جنوری سے کراچی میں ہوگا

ملائیشیا کے وزیر پلانٹیشن انڈسٹریزداتوک امردوگلس اوگاایمباس باضابطہ طورپرفیئراورسیمنارکا افتتاح کریں گے۔ فوٹو: فائل

---

ملائیشین پام آئل کونسل ( ایم پی اوسی ) اور ملائیشین پام آئل بورڈ ( ایم پی اوبی ) کے زیراہتمام تیسرا تین روزہ 'ملائیشیا- پاکستان پام آئل ٹریڈ فیئراورسیمنار' 15جنوری 2014 سے کراچی میں شروع ہوگا۔

اس سال کے کانفرنس کا موضوع " ملائیشین پام آئل کے ذریعے پاکستان کی تیل اورچربی کے تنوع کوپوراکرنا " ہے ۔ ملائیشیا کے وزیر پلانٹیشن انڈسٹریزداتوک امردوگلس اوگاایمباس باضابطہ طورپرفیئراورسیمنارکا افتتاح کریں گے۔ کانفرنس سے آئل ورلڈکے تھامس ملکائی ، ایل ایم سی کے ڈیوڈ جیکسن ، ایم پی اوسی کے ڈاکٹریوسف بیسیرون اورایم پی اوبی کے ڈاکٹر چو یو و ن مے کے علاوہ دیگرعالمی اور مقامی ماہرین اورمقررین خطاب اوراپنی پریزنٹیشنز پیش کریں گے۔

سیمینار تیل اور چربی مینوفیکچررز، تاجروں، ماہرین اقتصادیات اور ملائیشیا اور پاکستان دونوں کے سینئر حکام کومواقع فراہم کرے گا کہ وہ پاکستان میں پام آئل کی تجارت کومزیدمستحکم بنانے میں اضافہ کیلئے کوششیں کرے۔ ایم پی او سی کے ریجنل منیجرفیصل اقبال نے کہا ہے کہ اس بین الاقوامی کانفرنس کے گزشتہ دو ایڈیشنزنے پاکستان اورملائشیا سے تعلق رکھنے والے پام آئل اورانڈسٹری کے ماہرین اورعام کاروباری شخصیات میں خیالات کے تبادلے کیلئے ایک بہترین فورم فراہم کیا ہے۔انھوں نے کہا کہ ملائیشیا - پاکستان پام آئل ٹریڈ فیئر اور سیمینار ایک بار پھر سیمینارپیپرز ، سرمایہ کاری اورکاروباری نیٹ ورکنگ کے مواقع اور مختلف مصنوعات اور خدمات کی نمائش کیلئے پرکشش پلیٹ فارم مہیا کرے گا۔