- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
پاکستانی ’’ینگ بریگیڈ‘‘ انگلش بیٹنگ کو نشانہ بنائے گی
لاہور: ٹیسٹ ٹیم کے کپتان اظہر علی نے شاہین شاہ آفریدی اور نسیم شاہ کو اہم ہتھیار قرار دے دیا۔
ویسٹ انڈیز سے پہلے ٹیسٹ میں شکست کے بعد انگلینڈ نے شاندار کم بیک کرتے ہوئے اگلے دونوں میچز جیت کر سیریز بھی اپنے نام کرلی، میزبان ٹیم بھرپور فارم میں آچکی ہے، دوسری طرف پاکستانی کرکٹرز نے ٹریننگ کے ساتھ انٹر اسکواڈ میچز ہی کھیلے ہیں، ان میں سے آخری بارش سے متاثر ہوا،ٹیسٹ ٹیم کے کپتان اظہر علی پْرعزم ہیں کہ نوجوان پیسرز نسیم شاہ اور شاہین شاہ آفریدی انگلینڈ کا اعتماد متزلزل کرنے میں کامیاب ہو سکتے ہیں۔
پی سی بی پوڈ کاسٹ میں انھوں نے کہا کہ گذشتہ ہوم سیریز میں شاندار کارکردگی کا مظاہرہ کرنے والے دونوں نوجوان پیسرز ہمارے اہم ہتھیار ہوں گے، محمد عباس اور سہیل خان کا تجربہ بھی ان کے لیے معاون ثابت ہوگا، باصلاحیت بولرز کا ٹیم میں ہونا بطور کپتان میرے لیے بہت خوش آئند ہے، فاسٹ بولرز کے ساتھ ہمارے اسکواڈ میں بہترین ریکارڈ رکھنے والے لیگ اسپنر یاسر شاہ بھی ہیں،ان کے تجربے اور رہنمائی سے نوجوان پیسرز کو بھی بہت کچھ سیکھنے کا موقع ملے گا۔
بیٹنگ لائن کے حوالے سے اظہر علی نے کہا کہ پریکٹس میچز سے سب کو بہت اچھی تیاری کا موقع ملا، بیٹسمینوں میں اچھی اننگزکھیلنے کی صلاحیت ہے،سب اچھی فارم میں ہیں، ماضی میں انگلینڈ میں انگلش کنڈیشنز میں عمدہ کارکردگی بیٹنگ لائن کے لیے حوصلے کا ذریعہ ہوگی۔
انھوں نے کہا کہ لاک ڈاؤن کی وجہ سے طویل وقفے بعد دوبارہ سرگرمیوں کی ابتدا میں کچھ مشکلات ہوئیں جن پر اب غلبہ پا لیا ہے، نیٹ پر بھی بیٹسمینوں نے کافی وقت گزارا، پریکٹس میچز میں سب کو برابر موقع ملا، فاسٹ بولرز پر کام کا دباؤآہستہ آہستہ بڑھایا،سب کے ردھم اور مہارت میں بہتری آگئی ہے، ٹیسٹ سیریز میں اچھی کارکردگی کا مظاہرہ کریں گے۔
دوسری جانب جمعرات کو ڈربی میں باقاعدہ ٹریننگ کا آخری روز تھا،کھلاڑیوں کو نیٹ کے بجائے میدان کے وسط میں بنائی گئی پچز پر میچ پریکٹس کے انداز میں آزمایا گیا،وقار یونس نے پیسرز کو مختلف اینڈز سے ایکشن میں آنے کا موقع دیتے ہوئے چھوٹے بڑے اسپیلز کرائے، محمد عباس، شاہین شاہ آفریدی اور نسیم شاہ خاص توجہ کا مرکز بنے، عمران خان سینئر اور سہیل خان نے بھی اپنے تجربے کا بھرپور استعمال کیا، بیٹسمینوں کی ہر جوڑی نے مقررہ اوورز میں وکٹیں بچاتے ہوئے اہداف حاصل کرنے کی کوشش کی، اس جنگ میں کبھی بولرز تو کبھی بیٹسمین سرخرو ہوتے رہے۔
بیٹنگ کوچ یونس خان کی توجہ ٹاپ آرڈر پر مرکوز رہی، سابق کپتان نے آف اسٹمپ سے باہر جاتی اور باؤنسی گیندوں کا بہتر انداز میں سامنا کرنے کے لیے مفید مشورے دیے، انھوں نے وکٹوں کے درمیان رننگ بہتر بنانے کے لیے بھی کھلاڑیوں کی رہنمائی کی،مشتاق احمد نے میدان کے وسط میں ہونے والی پریکٹس میں یاسر شاہ کی کارکردگی کا بغور جائزہ لینے کے بعد نیٹ میں ان کے ساتھ ایک الگ سیشن بھی کیا۔
دوسری جانب ٹی ٹوئنٹی اسپیشلسٹ میدان کے ایک طرف لگائے گئے نیٹس میں بھرپور مشقیں کرتے رہے،فیلڈنگ اور جسمانی استعداد بہتر بنانے کے لیے سخت ٹریننگ بھی کی گئی۔مہمان کرکٹر جمعے کوآرام کریں گے،ہفتے کو مانچسٹر روانگی طے ہے، پاکستان اور انگلینڈ کے مابین پہلا ٹیسٹ5اگست کو شروع ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔