زرمبادلہ ذخائر میں ایک ہفتے کے دوران 275 کروڑ ڈالر کمی

آئی ایم ایف سے55 کروڑ کی حالیہ وصولی آئندہ ہفتے کی رپورٹ میں شامل ہو گی،اسٹیٹ بینک۔ فوٹو: اے ایف پی/فائل

---

زرمبادلہ کے ذخائر میں ایک ہفتے کے دوران27 کروڑ 50 لاکھ ڈالر کی کمی واقع ہوئی ہے۔

اسٹیٹ بینک آف پاکستان کے مطابق 20 دسمبر کو ختم ہونے والے ہفتے کے دوران آئی ایم ایف سمیت دیگر مالیاتی اداروں کو قرض کی ادائیگی کے سبب زرمبادلہ میں کمی کا سامنا کرنا پڑا، اس ہفتے قرضوں کی مد میں 18 کروڑ 50لاکھ ڈالر کی ادائیگی کی گئی جن میں16 کروڑ 20لاکھ ڈالر سے بیرونی قرضے ادا کیے گئے، آئی ایم ایف کو 58ملین ڈالر جبکہ 23ملین ڈالر کی دیگر آفیشلز ادائیگیاں کی گئیں۔



اسٹیٹ بینک کے مطابق 23 دسمبر کو آئی ایم ایف سے 554ملین ڈالر کی دوسری قسط وصول ہو چکی ہے جنہیں آئندہ ہفتے کی زرمبادلہ رپورٹ میں شامل کیا جائے گا۔ اسٹیٹ بینک کے مطابق مرکزی بینک کے ذخائر 3.468ارب ڈالر کی سطح سے کم ہو کر 3.193ارب ڈالر کی سطح پر آگئے جبکہ کمرشل بینکوں کے ذخائر 4.897 ارب ڈالر ریکارڈ کیے گئے، مجموعی ذخائر کی مالیت 8.090ارب ڈالر رہی۔