چین میں شدید زلزلہ 64افراد ہلاک 550زخمی 20 گھر تباہ

زلزلے میں 20 ہزار گھر بھی تباہ ہوگئے جبکہ 7 لاکھ افراد متاثر ہوئے ہیں، فوٹو: اے ایف پی

---

چین میں 5.7 کی شدت سے آنے والے دو زلزلوں کے نتیجے میں 64 افراد ہلاک اور 550 زخمی ہوگئے جبکہ آفٹر شاکس کا سلسلہ جاری ہے۔

زلزلے میں 20 ہزار گھر بھی تباہ ہوگئے جبکہ 7 لاکھ افراد متاثر ہوئے ہیں، چین کے سرکاری میڈیا کے مطابق جنوب مغربی صوبے ینان اور گوئیزو کی سرحد کے قریب 5.7 کی شدت کا زلزلہ ریکارڈ کیاگیا، حکام کے مطابق زلزلے کا مرکز 14کلومیٹر زمین کی گہرائی میں تھا، زلزلے سے 64 افراد ہلاک ہوئے جن کا تعلق ینان سے ہے جبکہ 20 ہزارگھر تباہ ہوئے ہیں۔

زلزلے سے ایک لاکھ افراد بے گھر ہوگئے ہیں، کل سات لاکھ افراد متاثر ہوئے ہیں، ملبے سے لاپتہ افرادکی تلاش کی جارہی ہے۔ متعدد آفٹرشاکس کی وجہ سے عمارتیں ہل کر رہ گئیں، لوگ خوف وہراس میں گھروں سے باہر نکل آئے۔ چینی حکومت متاثرین کیلیے ہزاروں ٹینٹ اور دیگر ضروری سامان بھیج رہی ہے جبکہ امدادی کارکنوں نے کارروائی شروع کردی ہے۔ جن علاقوں میں زلزلہ آیا ہے وہاںسے ہزاروں لوگوںکومحفوظ مقامات پر منتقل کردیا گیا ہے۔