عدالت پیشی کے بہانے ظفروال پولیس نے 4 بچے تھانے میں بند کردیے

رابطہ کرنے پر اے ایس آئی تفتیشی آفیسر محمد اکرم نے بتایا کہ لاہور ہائی کورٹ کے حکم پر بچوں کو تحویل میں لیا گیا ہے۔ فوٹو: فائل

---

عدالت میں پیشی کے بہانے پولیس تھانہ ظفروال نے چار معصوم بچوں کو پکڑ کرتھانہ میں بند کردیا۔

ذرائع کے مطابق ظفروال کے شہری اور محنت مزدوری کرکے بچوں کا پیٹ پالنے والے رضوان نامی شخص کے گھر پر اور گورنمنٹ سکول میں چھاپہ مارکر 2 بچوں کو گھر سے اور 2 بچوں کو سکول سے جن کی عمر بالترتیب ایک سال ،ڈھائی سال ،چار سال اور آٹھ سال ہے پکڑ کر تھانہ میں لے آئی، ساتھ ہی بچوں کے والد کو بھی تھانے میں محبوس رکھا گیا۔

صحافیوں کے رابطہ کرنے پر انچارج تھانہ نے کہا کہ بچوں کی ماں نے لاہور ہائی کورٹ میں اپنے شوہر کیخلاف بچوں کو زبردستی چھیننے کیخلاف رٹ دائر کی ہے۔اس لیے انہیں عدالت میں پیش کرنے کیلیے تحویل میں لیا ہے ۔ بچوں کو صبح سے بھوکے پیاسے تھانہ ظفروال میں بند کئے رکھا،ان کے اہل خانہ سے بھی رابط نہیں کرنے دیا جا رہا۔