عازمین حج کیلیے کورونا ویکسین لگوانا لازمی قرار

ویکسین لگانے کے لیے بڑے شہروں میں ویکسین سینٹر بنائے جائیں گے

---

اس سال عازمین حج کے لیے کورونا ویکسین لازمی قرار دے دی گئی ہے۔

پاکستان سے اس برس قریب2 لاکھ افراد حج کی سعادت حاصل کر سکیں گے۔ تاہم امسال یہ سعادت کورونا ویکسی نیشن سے مشروط ہو گی۔

ذرائع کے مطابق پاکستان میں سرکاری سطح پر حج اسکیم کے لئے درخواستوں کی وصولی کا عمل رواں ماہ کے دوران شروع ہو جائے گا جبکہ حج کے لئے فلائٹ آپریشن مئی کے آخر یا جون کی ابتدا میں شروع ہو گا۔ اس سے قبل عازمین کو ویکسین لگانے کے لئے بڑے شہروں میں ویکسینیشن سنٹرز بنائے جائیں گے۔ جہاں عازمین کی کورونا سمیت دیگر بیماریوں سے بچاؤ کے انجیکشن اور ویکسی نیشن کی جائے گی۔