امریکی ڈالر 20 پیسے کے اضافے سے 10650 روپے کا ہوگیا

ریال28.65 سے گھٹ کر28.60 روپے کاہوگیا،اماراتی درہم کی قدر10پیسے گر گئی۔ فوٹو: اے ایف پی/فائل

---

انٹر بینک مارکیٹ میں جمعرات کو پاکستانی روپے کے مقابل امریکی ڈالر کی قدر مستحکم رہی تاہم اوپن مارکیٹ میں بڑھ گئی۔

مارکیٹ ذرائع کے مطابق امریکی ڈالر کی قیمت 105.55 روپے پر برقرار رہی۔ فاریکس ایسوسی ایشن آف پاکستان سے جاری کردہ اعداد و شمار کے مطابق اوپن کرنسی مارکیٹ میں جمعرات کو امریکی ڈالر کی قدر 20 پیسے کے اضافے سے 106.50 روپے ہوگئی۔



برطانوی پائونڈ کی قیمت بھی 175.05 روپے سے بڑھ کر 175.25 روپے پر بند ہوئی، یورو کی قدر10 پیسے اضافے کے نتیجے میں 144.90 روپے سے بلند ہو کر 145 روپے پر پہنچ گئی۔ اعداد و شمار کے مطابق سعودی ریال کی قیمت 28.65 روپے سے کم ہو کر 28.60 روپے اور اماراتی درہم کی قدر 10 پیسے کمی کے ساتھ 29.35 روپے سے گھٹ کر 29.25 روپے ریکارڈ کی گئی۔