امریکا اور افغانستان سیکیورٹی معاہدے پر دستخط کے قریب پہنچ گئے

امریکی حکومت افغان حکام اور حکومت کے تمام مطالبات کا احترام کرے گی ، افغانستان کیلیے امریکی نائب سفیر مائیکل مکینلے۔ فوٹو: فائل

---

افغانستان اور امریکا سیکیورٹی معاہدے پر دستخط کے قریب پہنچ چکے ہیں۔

مقامی میڈیا کے مطابق صوبہ ہرات کے گورنر سید افضل امجددی نے بتایا کہ امریکا نے افغان حکومت کی تمام شرائط پر اتفاق کرلیا ہے اور چند دونوں میں دونوں ممالک سیکیورٹی معاہدے پر دستخط کرلیں گے۔ دریں اثنا ایک رپورٹ میں یہ بھی کہا گیا ہے کہ افغانستان کیلیے امریکی نائب سفیر مائیکل مکینلے نے بھی اپنے حالیہ دورے کے دوران افغان حکام کو یقین دہانی کرائی ہے کہ امریکی حکومت افغان حکام اور حکومت کے تمام مطالبات کا احترام کرے گی اور ان کو پورا کرنے کی کوشش کرے گی۔



دوسری طرف افغانستان نے کہا ہے کہ ملک کے مختلف علاقوں میں عسکریت پسندوں کیخلاف فوج کے ایک تازہ آپریشن کے دوران 7 جنگجو ہلاک ہوگئے۔ وزارت داخلہ کی جانب سے جاری بیان کے مطابق افغان پولیس اور فوج کی جانب سے بن غازی، زابل اورار زگان صوبوں میں گزشتہ 24 گھنٹوں کے آپریشن کے دوران 7 طالبان جنگجو ہلاک اور 3 زخمی ہوگئے جبکہ6 کو گرفتارکر کے ان کے قبضے سے ہتھیار اور دھماکا خیز مواد بھی بر آمد کر لیاگیا۔