حکومت نے چینی ایک روپیہ 26 پیسے کلو مہنگی کردی

لاہور: حکومت نے چینی کی ایکس ملز اورریٹیل پرائس میں ایک روپیہ 26 پیسے فی کلو اضافہ کردیا، جس سے چینی کی ریٹیل قیمت 88 روپے 24 پیسے سے بڑھا کر 89.50 روپے فی کلو مقرر کردی گئی۔

حکومت نے چینی کی سرکاری ریٹیل قیمت میں اضافہ کردیا، نوٹیفکیشن کے مطابق چینی کی ریٹیل اور ایکس ملز قیمت میں ایک روپیہ 26 پیسے فی کلو اضافہ کیا گیا ہے۔چینی کی ریٹیل قیمت 88 روپے 24 پیسے سے بڑھا کر 89.50 روپے فی کلو مقرر کردی گئی۔

چینی کی زیادہ سے زیادہ ریٹیل قیمت 89 روپے 50 پیسے فی کلو مقرر ، سیلز ٹیکس سمیت چینی کی زیادہ سے زیادہ ایکس ملز قیمت 84 روپے 50 پیسے فی کلو مقرر کی گئی ہے، وزارت صنعت و پیداوار نے نوٹیفکیشن جاری کردیا، نئی قیمتوں کا اطلاق فوری طور پر ہوگا ، نئی قیمتیں 15 نومبر 2021 تک نافذ رہیں گی۔

زائد قیمت پر چینی بیچنے والوں کے خلاف کارروائی ہوگی، عمل درآمد نہ کرنے پر شوگر ملز , ڈیلرز، ڈسٹری بیوٹرز اور ریٹیلرز کے خلاف کارروائی کی جائے گی۔

نوٹیفکیشن کے مطابق ملک میں چینی کی اوسط پیداواری لاگت 62 روپے 71 پیسے فی کلو بنتی ہے جبکہ چینی پر 8 روپے 15 پیسے فی کلو منافع بنتا ہے۔