فلم انڈسٹری کا اچھا دور بہت یاد آتا ہے‘ مصطفی قریشی

ہم سب کی بھی ذمے داری ہے کہ انڈسٹری کو مضبوط کرنے کے لیے اپنا کردار ادا کریں . فوٹو: فائل

---

اداکار مصطفی قریشی نے کہا ہے کہ فلم انڈسٹری کا اچھا دور بہت یاد آتا ہے اور اب بھی خواہش ہے کہ فلم انڈسٹری کی رونقیں بحال ہوں۔

ایک ملاقات کے دوران گفتگو کرتے ہوئے اداکار مصطفی قریشی نے کہا کہ فلم انڈسٹری کے برے دن دیکھ کر دل افسردہ ہوتا ہے۔



کیونکہ میرے سمیت بہت سے فنکاروں کو فلم انڈسٹری نے بہت کچھ دیا ہے لیکن آج اس پر برے دن ہیں تو ہم سب کی بھی ذمے داری ہے کہ انڈسٹری کو مضبوط کرنے کے لیے اپنا کردار ادا کریں کیونکہ انڈسٹری کی مضبوطی ہی ہم سب کی مضبوطی ہے۔