کالج اساتذہ کے مسائل فوری طور پر حل کیے جائیں سپلا

تقریباً 2ہزاراسامیوںپرکالج اساتذہ اپنی ترقیوں کےمنتظرہیںلیکن اب تک سینیارٹی لسٹوں کا اجرا نہیں ہوسکا ہے،اجلاس کے شرکا۔

---

سندھ پروفیسرز اینڈ لیکچررز ایسوسی ایشن (سپلا) کی مرکزی مجلس عاملہ کا اجلاس مرکزی سینئر نائب صدر پروفیسر سید آصف زیدی کی صدارت میں ڈی جے سندھ گورنمنٹ سائنس کالج میں ہوا۔

اجلاس میں شرکا نے اپنی رائے کا اظہار کرتے ہوئے کہا کہ تقریباً 2ہزار اسامیوں پر کالج اساتذہ اپنی ترقیوں کے منتظر ہیں لیکن اب تک سینیارٹی لسٹوں کا اجرا نہیں ہوسکا ہے، گذشتہ4سال سے لائبریرین اپنی ترقیوں کے منتظر ہیں، اجلاس میں وزیر تعلیم، چیف سیکریٹری سندھ اور سیکریٹری تعلیم سے اپیل کی کہ کالج اساتذہ کے مسائل کو جلد از جلد حل کروائیں۔

اجلاس میں تمام اراکین کی آرا کو مدنظر رکھتے ہوئے فیصلہ کیا گیا کہ وہ تمام اراکین پروفیسرز جن کو غیر ضروری طور پر معطل کیا گیا تھا اُن سب کو اپنے اپنے عہدوں پر بحال کردیا گیا ہے، اجلاس میں الیکشن شیڈول جاری کیا گیا جس کے تحت تمام کالج یونٹس15نومبر، تمام ڈسٹرکٹس اور ریجنز15دسمبر تک اپنے انتخابات مکمل کرلیں جبکہ مرکزی انتخابات اور سالانہ کنونشن20 دسمبر کو ہوگا۔