- لاہور؛ باغبانپورہ میں پولیس مقابلہ؛ اہلکار شہید، 2 ڈاکو ہلاک
- پاکستان آئی ایم ایف سے مزید 8 ارب ڈالر کے بیل آؤٹ پیکج کا خواہاں ہے، وزیرخزانہ
- قومی کرکٹر اعظم خان نیوزی لینڈ کیخلاف ٹی ٹوئنٹی سیریز سے باہر
- اسلام آباد: لڑکی کا چلتی کار میں فائرنگ سے قتل، باہر پھینک دیا گیا
- کراچی؛ پیپلز پارٹی نے سول ہسپتال کے توسیعی منصوبے کا عندیہ دےدیا
- کچے میں ڈاکوؤں کو اسلحہ کون دیتا ہے؟، سندھ پولیس نے تحقیقات کا آغاز کردیا
- ڈاکٹروں نے بشریٰ بی بی کی ٹیسٹ رپورٹس نارمل قرار دے دیں
- دوسرا ٹی 20؛ پاکستان کی تباہ کن بولنگ، نیوزی لینڈ 90 رنز پر ڈھیر
- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
سوزوکی میں رسیوں سے بندھے شتر مرغ کی پارک میں منتقلی
کراچی: جانوروں کے حقوق کے تحفظ اور ان کی بہبود کی دعوے دار این جی او کے زیر انتظام کراچی کے ایک پبلک پارک میں عالمی اور ملکی قوانین کو بالائے طاق رکھتے ہوئے شتر مرغ کی درگت بنادی گئی۔
شتر مرغ کو نامعلوم مقام سے کھلی سوزوکی میں رسیوں سے باندھ کر لایا گیا اور گٹھری کی طرح پارک کی کچرا اٹھانے والی ٹرالی میں ٹھونس کر پارک کے وسیع رقبے پر قائم نجی چڑیا گھر میں قید کردیا گیا، یہ واقعہ ہفتہ کی شام ناظم آباد نمبر ایک میں واقع ذیشان شہید پارک میں پیش آیا۔
نجی چڑیا گھر کے عملے نے شتر مرغ کی درگت بنا دی، شتر مرغ کی منتقلی کے دوران ایک شخص مسلسل شتر مرغ کی چونچ کو دونوں ہاتھوں سے قابو میں رکھا رہا جس سے اس بڑے پرندے کو سانس لینے میں مشکلات کا سامنا کرنا پڑا اور وہ بے حال ہوگیا۔
شتر مرغ کی حالت زار اور اسے غیر محفوظ طریقے سے منتقل کیے جانے پر پارک میں موجود شہریوں نے اعتراض کیا اور ویڈیو بنانے کی کوشش کی تو پارک کے سرکاری عملے کے افراد شہریوں کو ویڈیو بنانے سے روکتے رہے۔
نجی چڑیا گھر وائلڈ لائف ویلفیئر سوسائٹی کے تحت قائم ہے جس کی انتظامیہ کے مطابق یہ جانوروں کی بقا اور بحالی کا مرکز ہے جو نہ صرف سندھ وائلڈ لائف ڈپارٹمنٹ بلکہ جنگلی حیات کے تحفظ کے عالمی دارے ڈبلیو ڈبلیو ایف اور آئی یو سی این سے رجسٹرڈ اور تسلیم شدہ ہے۔
نجی چڑیا گھر کی انتظامیہ کے نمائندوں نے اعتراض کرنے والے شہریوں سے کہا کہ ان کے پاس جنگلی جانوروں کی منتقلی اور انھیں رکھنے کے تمام سرکاری اجازت نامے موجود ہیں، پارک میں موجود علاقہ مکینوں کے مطابق نجی چڑیا گھر پارک کے 30 فیصد سے زائد رقبہ پر قائم ہے جسے اونچی دیواریں اور آہنی جنگلے اور دروازے لگاکر نجی ملکیت میں تبدیل کیا جاچکا ہے۔
مبینہ طور پر این جی او کے مالکان جانوروں کی خریدوفروخت کے کاروبار سے منسلک ہیں اور پبلک پارک کو این جی او کی آڑ میں اپنے کاروباری مقاصد کے لیے بھی استعمال کررہے ہیں، شہریوں کے ساتھ بچوں سے بھی نجی چڑیا گھر میں داخلہ کے لیے کراچی چڑیا گھر کے برابر 50 روپے انٹری فیس بھی وصول کی جاتی ہے، شہریوں نے بغیر کسی احتیاطی تدبیر کے شتر مرغ کی بے رحمی سے منتقلی پر افسوس کا اظہار کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔