پاکستان اورانگلینڈ کے درمیان پانچواں  ٹی 20 کل کھیلا جائے گا

اسپورٹس رپورٹر  منگل 27 ستمبر 2022
پاکستان اور انگلینڈ کی ٹیمیں آج قذافی اسٹیڈیم میں پریکٹس کریں گی:فوٹو:فائل

پاکستان اور انگلینڈ کی ٹیمیں آج قذافی اسٹیڈیم میں پریکٹس کریں گی:فوٹو:فائل

 لاہور: پاکستان اور انگلینڈ کے درمیان پانچواں ٹی 20 میچ کل کھیلا جائے گا۔ دونوں ٹیمیں آج قذافی اسٹیڈیم میں پریکٹس کریں گی۔

پاکستان اور انگلینڈ کی ٹیموں کے درمیان 7 میچز کی سیریز کا پانچواں ٹی 20 میچ کل لاہور کے قذافی اسٹیڈیم میں کھیلا جائے گا۔ شاداب خان اور نسیم شاہ تینوں میچز میں ٹیم کا حصہ ہوں گے۔

پاکستان اور انگلینڈ کی ٹیمیں آج قذافی اسٹیڈیم میں پریکٹس کریں گی۔ بدھ، جمعے اور اتوار کو کھیلے جانے والے تینوں میچز کے لیے دو پچز تیار کی گئیں جو بیٹنگ کے لیے ساز گار دکھائی دیتی ہیں تاہم ان پچز پر اسپنرز کا کردار خٓاصا اہم ہوسکتاہے۔

تجربہ کار ہیڈ کیورٹر آغا زاہد کی نگرانی میں ان پچز کو تیار کیاگیاہے۔ قذافی اسٹیڈیم میں اب تک کا ٹی 20 میں سب سے بڑا ٹوٹل پانچ وکٹ پر 197 رنز ہے جو پاکستان نے ورلڈ الیون کے خلاف میچ میں اسکورکیاتھا جبکہ کم ترین اسکور 101 ہے جو پاکستان نے سری لنکا کے خلاف  میچ میں بنایا تھا۔

قذافی اسٹیڈیم میں زمبابوے کے خلاف میچ میں پاکستانی ٹیم نے 176رنز کا مجموعہ حاصل کرکے میچ اپنے نام کیاتھا۔ یہ دوسری بار میں بننے والے اب تک کا سب سے بڑا اسکورہے۔

پاکستانی ٹیم کو قذافی اسٹیڈیم میں 126 رنز کے اسکور کا کامیابی سے دفاع کرنے کا اعزاز بھی حاصل ہے۔ پہلی اننگز کا ایوریج  اسکور 161 اور دوسری اننگز کا  147ہے۔اس گراونڈ پر مجموعی طورپر18 میچز ہوچکے ہیں جن میں سے 10 مرتبہ پہلے بیٹنگ کرنے والی ٹیم نے کامیابی حاصل کی ہے۔  آٹھ بار پہلے بولنگ  کرنے والی ٹیم کو جیت نصیب ہوئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔