- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہوا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
گڈاپ ٹاؤن میں ببرشیر کی موجودگی کا معمہ حل، وائرل ویڈیو جعلی قرار
کراچی: گڈاپ ٹاؤن کے علاقے تھڈو ڈیم میں ببر شیر کے مٹرگشت کا معمہ حل ہوگیا، سوشل میڈیا پروائرل ویڈیو کو سندھ وائلڈ لائف نے جعلی قراردے دیا۔
محکمہ جنگلی حیات کے کنزرویٹر کا کہنا ہے کہ ویڈیو میں دکھائی دینے والے ببرشیر کی نسل سندھ میں نہیں پائی جاتی، اور کسی فارم ہاؤس سے شیر کے فرارکا کوئی واقعہ بھی رپورٹ نہیں ہوا۔
واضح رہے کہ گذشتہ شب سوشل میڈیا پر ایک ویڈیو وائرل ہوئی جس میں مبینہ طور پر گڈاپ ٹاؤن کے علاقے میں ایک ببر شیر کو درختوں کی قطاروں کے درمیان آزادانہ چہل قدمی کرتے ہوئے دکھایا گیا تھا، جبکہ ایک دوسری ویڈیو میں ببر شیر آنکھوں پرپڑنے والے روشنی پردہاڑتا نظر آرہا ہے۔
مذکورہ ویڈیو کے پس منظر میں ایک شخص سندھی زبان میں اس شیر کے بارے میں تبصرہ کرتے ہوئے دعوی کرتا ہے کہ وہ اس وقت کراچی کے مضافات میں واقع تھڈو ڈیم کے قریب موجود ہے اور یہاں ایک خونخوارببر شیر مٹرگشت کررہا ہے،جس سے انسانوں اور پالتو جانوروں کو شدید خطرات لاحق ہوسکتے ہیں۔
ویڈیو بنانے والا شخص قریب موجود دیگرلوگوں کومشورہ دے رہا ہے کہ شیر سے چھیڑچھاڑ مت کریں اوراسے جانے دیں۔
محکمہ جنگلی حیات کے کنزرویٹرجاوید مہرکے مطابق شہر کے مضافاتی علاقے تھڈو ڈیم /گڈاپ ٹاؤن کے علاقے میں ببر شیر کی موجودگی کے کوئی شواہد نہیں ملے۔
انہوں نے بتایا کہ رات گئے تھڈوڈیم اور ملحقہ مضافاتی علاقوں میں خصوصی ٹیمیں روانہ کی گئیں،سرچ ٹیمیں بیک وقت گاڑیوں اور موٹرسائیکلوں پر مشتمل اور درکار آلات سے لیس تھیں، ٹیموں نے رات کی تاریکی اور دن کے اجالے میں انتہائی باریک بینی سے تمام علاقوں کا جائزہ لیا۔
جاوید مہر کے مطابق سندھ وائلڈ لائف کی ٹیموں نے مقامی افراد کے انٹرویوز بھی ریکارڈ کیے مگر ببرشیر کی موجودگی کے کوئی شواہد نہیں ملے۔ ویڈیو سے یہ بات بھی واضح ہے کہ اس پر ڈبنگ یا وائس اوور کی گئی ہے۔
انہوں نے مزید کہا کہ ببرشیر کی موجودگی کی افواہوں کے سبب شہر میں خوف اور اضطراب پھیلا، ویڈیو میں دکھائی دینے والی نسل کا شیر سندھ میں نہیں پایا جاتا۔
کنزویٹرسندھ وائلڈ لائف کے مطابق مضافاتی علاقے کے قرب وجوار میں موجود فارم ہاؤسز سے بھی شیرکے فرارکا کوئی واقعہ رپورٹ نہیں ہوا، اگر کوئی شیر کسی فارم ہاؤس سے بھاگا ہوتا تو کتے اپنے سونگھنے کی تیزحس کی بدولت آسانی سے اس کا پتا لگالیتے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔