ورلڈکپ میں شرکت کیلئے قومی کرکٹ ٹیم بھارت پہنچ گئی

 حیدرآباد دکن: آئی سی سی ورلڈ کپ میں شرکت کیلئے قومی کرکٹ ٹیم بابراعظم کی قیادت میں بھارت پہنچ گئی۔

پاکستان کرکٹ ٹیم سات سال بعد بھارت پہنچی ہے۔ آخری بار پاکستان کرکٹ ٹیم نے 2016 میں ٹی20 ورلڈکپ کیلئے شاہد آفریدی کی قیادت میں بھارت کا دورہ کیا تھا۔

ایکسپریس نیوز کے مطابق قومی ٹیم بھارت میں کرکٹ ورلڈکپ میں شرکت کیلے علامہ اقبال انٹرنیشنل ایئرپورٹ سے منگل کی رات روانہ ہوئی تھی۔ 15 رکنی اسکواڈ کے ساتھ 3 ریزرو کھلاڑی، کوچز اور معاون عملہ سمیت 13 ارکان بھی اسکواڈ میں شامل ہیں۔

Touchdown India #WeHaveWeWill | #CWC23 pic.twitter.com/F1IZYG9kVb

— Pakistan Cricket (@TheRealPCB) September 27, 2023

قومی ٹیم کا اسکواڈ بھارت کے شہر حیدرآباد دکن کے ایئرپورٹ پہنچا جہاں پر بھارتی شہریوں کی بڑی تعداد قومی ٹیم کے کھلاڑیوں کو دیکھنے کے لیے موجود تھی جبکہ اس موقع پر سیکیورٹی کے سخت انتظامات بھی کیے گئے تھے۔

https://twitter.com/TheRealPCB/status/1706783986704675260

یہ بھی پڑھیں: ورلڈکپ؛ ٹاپ فور چھوٹا ہدف ہے، فاتح ہوکر واپس آنا چاہتے ہیں، بابراعظم

بولنگ کوچ مورنے مورکل دبئی میں جوائن کریں گے جب کہ ٹیم ڈائریکٹر مکی آرتھر 30 ستمبر کو براہ راست بھارت پہنچیں گے۔

یہ بھی پڑھیں: ورلڈکپ؛ قومی ٹیم کی روانگی کب ہوگی، شیڈول سامنے آگیا

دبئی میں 9 گھنٹے قیام کے بعد قومی اسکواڈ بھارتی وقت کے مطابق رات 8:15 حیدرآباد پہنچ گیا۔ گرین شرٹس کا پہلا وارم اپ میچ جمعہ کے روز نیوزی لینڈ سے ہوگا۔

https://twitter.com/TheRealPCB/status/1706789607092961728