بڑھتے بچوں کے لیے کھجور کھانا انتہائی فائدہ مند

کھجور قدرتی شکر کا ایک ذخیرہ ہے جو توانائی دیتا ہے۔ فوٹو: اے ایف پی/فائل

---

طبی ماہرین کا کہنا ہے کہ کھجور سستا اور کئی خوبیوں سے بھرپور ہوتا ہے۔ اسے روزانہ کھانے سے کئی بیماریوں میں فائدہ ہوتا ہے۔

کھجور قدرتی شکر کا ایک ذخیرہ ہے جو توانائی دیتا ہے، اس میں کیلوری بھی برائے نام کی ہوتی ہے اس لیے یہ صحت کے لیے فائدہ مند ہے خصوصی طور پر بڑھتے بچوں کے لیے کھجور کھانا بہت فائدہ ہی مند ہوتا ہے کیونکہ انھیں مزید توانائی کی ضرورت ہوتی ہے۔ روزانہ کھجور کھانے سے انیمیا کے مسئلہ میں فائدہ ہوتا ہے کیونکہ اس میں آئرن کی کافی مقدار پائی جاتی ہے۔

اس میں کیلشیم، آئرن، فاسفورس، پوٹاشیم، مگنیشیم، زنک، تھیامن، نیاسن،وٹامن اے اور وٹامن کے پایا جاتا ہے۔ قبض ہونے پر روز رات کو کھجور بھگو لیں اور صبح پانی کے ساتھ کھا لیں۔ ماہرین کا کہنا ہے کہ کھجور ہارٹ فرینڈلی بھی ہے اس میں پوٹاشیم کافی مقدار میں اور سوڈیم نہ کے برابر ہوتا ہے اس لیے یہ دل اور نرو سسٹم کو درست رکھتا ہے۔