پاکستان ہاکی فیڈریشن میں مبینہ مالی بےضابطگیوں کا معاملہ پارلیمنٹ پہنچ گیا۔
تفصیلات کے مطابق قومی اسمبلی کی قائمہ کمیٹی برائے بین الصوبائی رابطہ نے صدر پی ایچ ایف طارق بگٹی اور سیکریٹری جنرل رانا مجاہد کو طلب کرلیا۔
ہاکی فیڈریشن کے حکام 25 اگست کو قومی پلیٸرز کو ڈیلی الاونسز کی عدم اداٸیگی پر قائمہ کمیٹی کو بریفنگ دیں گے۔
حکام پرو ہاکی لیگ میں پاکستان کی شرکت کے معاملے پر بھی بریفنگ دیں گے۔
ڈی جی پاکستان اسپورٹس بورڈ یاسر پیرزادہ کو بھی کمیٹی اجلاس میں شرکت یقینی بنانے کی ہدایت کی گئی ہے۔
یاسر پیرزادہ ہاکی فیڈریشن کی مبینہ مالی بے ضابطگیوں اور مالی تنازعات کے حوالے سے قائمہ کمیٹی کو تفصیلی بریفنگ دیں گے۔
