جنگی جنون میں مبتلا اسرائیل کو کھیل کے میدان میں بھی ہزیمت کا سامنا کرنا پڑ رہا ہے۔
تفصیلات کے مطابق بوسنیا و ہرزیگووینا کی انڈر 21 فٹبال ٹیم کے کھلاڑیوں نے ہنگری کے دارالحکومت بڈاپسٹ میں کھیلے گئے یوئیفا یورپی انڈر 21 چیمپئن شپ کوالیفائنگ میچ سے قبل اسرائیلی ٹیم سے مصافحہ کرنے سے انکار کر دیا۔
سوشل میڈیا پر وائرل ویڈیو میں دیکھا جاسکتا ہے بوسنیا و ہرزیگووینا کے کھلاڑیوں نے امپائرز سے ہاتھ ملایا تاہم اسرائیلی کھلاڑیوں سے ہاتھ ملانے سے گریز کیا۔
اس غیر معمولی اقدام نے میچ سے پہلے ہی سب کی توجہ حاصل کرلی۔
دونوں ٹیموں کے درمیان میچ بغیر کسی گول کے برابری پر ختم ہوا۔
یہ بات قابل ذکر ہے کہ اسرائیل جغرافیائی طور پر یورپ کا حصہ نہ ہونے کے باوجود یوئیفا کے ٹورنامنٹس میں شرکت کرتا ہے۔
اس واقعے نے کھیل کے ساتھ ساتھ سیاسی اور سفارتی پہلوؤں پر بھی بحث کو جنم دیا ہے۔
